Maldives Tourism Update Issue: 16 Download link: https://t.co/7ZrvGyeHyO pic.twitter.com/WvySekC1Tg
— Ministry of Tourism and Environment (@MoTmv) May 16, 2025
ރާއްޖެއަށް އައި ފަތުރުވެރިންގެ ތެރެއިން 640،026 ފަތުރުވެރިން ގޮސްފައިވަނީ ރިސޯޓުތަކަށެވެ. 211،584 ފަތުރުވެރިން ގޮސްފައިވަނީ ގެސްޓުހައުސްތަކަށެވެ. އަދި 26،634 ފަތުރުވެރިން ދިޔައީ ހޮޓާތަކަށެވެ. އޭގެ އިތުރަށް 22،380 ފަތުރުވެރިން އެ ރަށުގެ އުޅަނދުތަކަށް އައިސްފައިވެއެވެ.
މި އަހަރު މިހާތަނަށް ލައްކައަކަށްވުރެ ގިނަ ފަތުރުވެރިން އައިސްފައިވަނީ 103،072 ފަތުރުވެރިން ރާއްޖެއަށް އައިސްފައިވާއިރު ދެވަނައަށް އެންމެ ގިނަ ފަތުރުވެރިން އައިސްފައިވާ ރަޝިޔާއިން އައިސްފައިވަނީ 97،123 ފަތުރުވެރިންނެވެ. އަދި ތިންވަނައަށް އެންމެ ގިނަ ފަތުރުވެރިން އައި އިނގިރޭސިވިލާތުން 79،557 ފަތުރުވެރިން އައިސްފަައިވެއެވެ.
ފަތުރުވެރިކަން އިތުރަށް ފުޅާކޮށް ރާއްޖެ އިޝްތިހާރުކުރުމަށްޓަކައި ފާއިތުވި ހަފްތާގައި ގިނަ މަސައްކަތްތަކެއް ވަނީ ކޮށްފަ އެވެ. އެގޮތުން މޯލްޑިވްސް އެސޯސިއޭޝަން އޮފް ޓޫރިޒަމް އިންޑަސްޓްރީ (މަޓީ) އިން ހިންގި މެންބަރު ފޯރަމް 2025 ގައި ޓުރިޒަމް މިނިސްޓަރު ތޯރިގު އިބްރާހިމް ބައިވެރިވެ ވަޑައިގެންނެވި އެވެ. އަދި ހަމަ އެ ފޯރަމުގައި ބޭއްވި ޕެނަލް ޑިސްކަޝަނެއްގައި އެ ވުޒާރާގެ ސްޓޭޓް މިނިސްޓަރ ޑރ.އަބްދުﷲ ނިޔާޒު ބައިވެރިވެ ވަޑައިގަތެވެ. މީގެއިތުރުން އިނގިރޭސިވިލާތުން ރާއްޖެއަށް ކަނޑައަޅުއްވާފައި ހުންނަވާ ސަފީރާ މިނިސްޓަރު ތޯރިގު ބައްދަލުކުރައްވާ ވަނީ ދެމެހެއްޓެނިވި ފަތުރުވެރިކަމެއް ކުރާނެ ގޮތާއި މެދު މަޝްވަރާކުރައްވާފަ އެވެ. އަދި "ޓާޓާބާއި މޯލްޑިވްސް" ނަމުގައި މޯލްޑިވްސް މާކެޓިންގ އެންޑް ޕަބްލިކް ރިލޭޝަން (އެމްއެމްޕީއާރްސީ) އިން ރޯޑްޝޯއެއް ވަނީ އިންޑިއާގައި ބާއްވައިފަ އެވެ.
