ތ އަތޮޅުން ފެށިގެން އައްޑޫ ސިޓީ އާއި ހަމައަށް ބޯކޮށް ވާރޭވެހި ވައިދަގަވާނެ ކަމަށް މޫސުމާއި ބެހޭ އިދާރާއިން ލަފާކޮށްފިއެވެ.
މޯލްޑިވްސް މިޓިއިރލޮޖިކަލް ސަރވިސް އިން މައުލޫމާތު ދިން ގޮތުގައި މިއަދު މެނދުރު ދެގަޑި ފަނަރައިން ފެށިގެން މިރޭ ނުވައެއް ޖަހަންދެން ބޯކޮށް ވާރޭވެހުމާއި އެކު ގުގުރާނެއެވެ. މީގެ އިތުރުން ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް ލަފާކުރެވެއެވެ.
White Alert issued from Thaa Atoll to Addu City. pic.twitter.com/7WZEae8h0H
— Maldives Meteorology (@MetMaldives) May 9, 2025
ކުރިއަށް އޮތް 24 ގަޑިއިރުވެސް ރާއްޖޭގެ ހުރިހާ ހިސާބަކަށް ވިއްސާރަކުރާނެކަމަށް ލަފާކުރެވޭކަމަށް މޫސުމާ ބެހޭ ޤައުމީ އިދާރާއިން ލަފާކުރެވެއެވެ.
އެއިދާރާއިން ވިދާޅުވީ ރާއްޖޭގެ އެކި ހިސާބުތަކަށް ގުގުރުމާއެކު ވިއްސާރަކުރާނެ ކަމަށާއި މެދުރާއްޖެތެރެއާއި ދެކުނުގެ ބައެއް ރަށްތަކަށް ބޯކޮށް ވާރޭވެހުން އެކަށީގެންވާކަމަށެވެ. ވިއްސާރައާއި ގުޅިގެން މޫސުމާ ބެހޭ އިދާރާއިން ގެންދަނީ އެލަރޓްތައްވެސް ނެރެމުންނެވެ.
އެއިދާރާއިން ވިދާޅުވީ ހުޅަނގާއި ހުޅަނގު އުތުރުން ގަޑިއަކު 10 މޭލާއި 20 މޭލާ ދެމެދުގެ ބާރުމިނުގައި ވައިޖެހޭނެކަމަށާއި ވިލާގަނޑުގައި 30 މޭލަށް ވައިގަދަވުން އެކަށީގެންވާކަމަށެވެ. އަދި ކަނޑުތައްވެސް އާދައިގެވަރަކަށް ގަދަވެފައި ވިލާގަނޑުގައި އިތުރަށް ގަދަވާނެކަމަށާއި ރާޅުގެ އުސްމިން ހުންނާނީ 3 ފޫޓާ 6 ފޫޓާ ދެމެދުގައިކަމަށް އެއިދާރާއިން ވިދާޅުވެއެވެ.
މި ލިޔުން ކިޔާލުމުން
