ފަތުރުވެރިކަމާއި ތިމާވެށްޓާ ބެހޭ ވަޒީރު ޠާރިޤު އިބްރާހީމް، އދ. ހަންޏާމީދޫ ކައުންސިލާ ބައްދަލުކުރައްވައިފިއެވެ.
މި ބައްދަލުވުމުގައި، ހަންޏާމީދޫގައި ލޯކަލް ޓޫރިޒަމް ކުރިއެރުވުމަށް ހުރި ފުރުސަތުތަކާއި، މިހާރު ދިމާވެފައިވާ ދަތިތަކާ ބެހޭގޮތުން މަޝްވަރާކުރައްވާފައިވެއެވެ. މީގެ އިތުރުން ލޯކަލް ޓޫރިޒަމްގެ ދާއިރާއިން ރަށުގެ އިޤުތިޞާދު ކުރިއެރުވުމަށް އެޅިދާނެ ފިޔަވަޅުތަކާ ބެހޭގޮތުންވެސް މި ބައްދަލުވުމުގައި ވަނީ މަޝްވަރާކުރައްވައިފައެވެ.
Minister @ThoriqIbrahim met with the council members of ADh. Hangnaameedhoo to discuss potential areas for the expansion of local tourism, as well as the current challenges the community is facing in this sector. The meeting focused on identifying key opportunities that can… pic.twitter.com/Q3mh6akpDT
— Ministry of Tourism and Environment (@MoTmv) April 17, 2025
މި ބައްދަލުވުމުގައި ވާހަކަދައްކަވަމުން ވަޒީރު ޠާރިޤު ވިދާޅުވީ، ހަންޏާމީދޫގެ ފަތުރުވެރިކަން ތަރައްޤީކުރުމަށް ސަރުކާރުން އެހީތެރިވެދޭނެ ކަމަށާއި، ރަށުގެ ފަތުރުވެރިކަން ކުރިއެރުވުމަށް ބޭނުންވާ ވަސީލަތްތައް ހޯދައިދިނުމަށް މަސައްކަތްކުރައްވާނެ ކަމަށެވެ.
މި ބައްދަލުވުމުގައި ހަންޏާމީދޫ ކައުންސިލުގެ ރައީސް ވިދާޅުވީ، މިއީ ރަށުގެ ލޯކަލް ޓޫރިޒަމް ކުރިއެރުވުމަށް ވަރަށް މުހިންމު ބައްދަލުވުމެއް ކަމަށާއި، ވަޒީރާއެކު ބޭއްވުނު މަޝްވަރާތަކުން ރަށުގެ ފަތުރުވެރިކަމަށް އައު ހިތްވަރެއް ލިބިގެންދާނެ ކަމަށް އުންމީދުކުރައްވާ ކަމަށެވެ.
މި ބައްދަލުވުމުގައި، ހަންޏާމީދޫގެ ޓޫރިސްޓް އެކަމަޑޭޝަން ޚިދުމަތްތައް ފުޅާކުރުމާއި، ރަށުގައި ހިންގާ ޓޫރިސްޓް ހަރަކާތްތައް އިތުރުކުރުމާއި، ރަށުގެ އާންމު ރައްޔިތުންނަށް ޓޫރިޒަމްގެ ސަބަބުން ލިބޭ މަންފާ އިތުރުކުރުމާ ބެހޭގޮތުންވެސް ވަނީ މަޝްވަރާކުރެވިފައެވެ.
މި ލިޔުން ކިޔާލުމުން
