ބީއެމްއެލް އިން 270 ފަރާތަކަށް މޮޓޮރައިޒްޑް ވީލްޗެއަރ ހަދިޔާކޮށްފި

ބޭންކް އޮފް މޯލްޑިވްސް (ބީއެމްއެލް) އިން ހިނގާބިނގާވެ އުޅުމުގައި ނުކުޅެދުންތެރިކަން ހުންނަ 270 ފަރާތަކަށް މޮޓޮރައިޒްޑް ވީލްޗެއަރ ހަދިޔާކޮށްފިއެވެ. ރާއްޖޭގެ އެކިކަންކޮޅުތަކުގައި ހިނގާބިނގާވެ އުޅުމަށް ދަތިވެފައިވާ އަދި އަމިއްލައަށް މިފަދަ ވީލްޗެއަރ ބޭނުންކުރެވޭނެ ކޮންމެ މީހަކަށް ވީލްޗެއަރ އެއް ހަދިޔާ ކުރުމުގެ މަޤުޞަދުގައި ވީލްޗެއަރ ހަދިޔާކުރުމުގެ ޕުރޮގުރާމު ބީއެމްއެލް އިން ފަށާފައިވަނީ 2017 ވަނަ އަހަރުއެވެ.

In 2017, we began our wheelchair donation program to enhance the quality of life for people living with physical disabilities. With the donation of 30 wheelchairs across 20 islands just last year, we have now delivered a total of 270 wheelchairs to individuals through this… pic.twitter.com/lVbKHKlZwB

— Bank of Maldives (@bankofmaldives) April 17, 2025

ބީއެމްއެލް އިން ވަނީ މިދިޔަ އަހަރު އެކަނިވެސް ރާއްޖޭގެ 20 ރަށެއްގައި އިތުރު 30 ވީލްޗެއަރ ހަދިޔާކޮށްފައެވެ. މިއާއެކު މިހާތަނަށް އެ ބޭންކުން ވަނީ ޖުމުލަ 270 ވީލްޗެއަރ ހަދިޔާކޮށްފައެވެ. ބޭންކުން އަންނަނީ އެކި ޕުރޮގުރާމުތައް މެދުވެރިކޮށް ނުކުޅެދުންތެރިކަން ހުންނަ މީހުންނަށް އެހީތެރިވަމުންނެވެ. މިގޮތުން ބީއެމްއެލް އިން މީގެ ކުރިން ވަނީ ނުކުޅެދުންތެރިކަން ހުންނަ ފަރާތްތަކާ ގުޅިގެން މަސައްކަތްކުރާ ޖަމުޢިއްޔާތަކަށްވެސް މާލީ އެހީ ފޯރުކޮށްދީފައެވެ.