ފަތުރުވެރިކަމާއި ތިމާވެށްޓާ ބެހޭ ވަޒީރު ޠާރިޤު އިބްރާހީމާއި، މާލީ ކަންކަމާއި ތަރައްޤީގެ ރޭވުންތެރިކަމާ ބެހޭ ވަޒީރު މޫސާ ޒަމީރު އަދި ބަންޑާރަ ނައިބު އަލްއުސްތާޛު އަޙްމަދު އުޝާމް، ޝަންގްރިލާ ވިލިނގިލިގެ ސީނިއަރ މެނޭޖްމަންޓް ޓީމާ މިއަދު ބައްދަލުކުރައްވައިފިއެވެ.
މި ބައްދަލުވުމުގައި ޝަންގްރިލާ ވިލިނގިލީގެ ފަރާތުން އިސްކޮށް ބައިވެރިވެވަޑައިގެންނެވީ ގްރޫޕްގެ ހެޑް އޮފް އިންވެސްޓްމަންޓް އެންޑް އެސެޓް މެނޭޖްމަންޓް، ކްރިސްޓޮފަރ ޕޮންގް އެވެ.
Minister @thoriqibrahim, Finance Minister @MoosaZameer & AG Uz @a_usham met Shangri-La Villingili’s senior mgmt team, led by Christopher Phong, Group Head of Investment & Asset Mgmt, to discuss reopening efforts & how the gov can support and fast-track the process. pic.twitter.com/7r28qMzBLv
— Ministry of Tourism and Environment (@MoTmv) April 13, 2025
ފަތުރުވެރިކަމާއި ތިމާވެށްޓާ ބެހޭ ވުޒާރާއިން ހާމަކުރި ގޮތުގައި މިއަދުގެ ބައްދަލުވުމުގައި ޝަންގްރިލާ ވިލިނގިލި އަލުން ހުޅުވުމަށް ކުރެވެމުންދާ މަސައްކަތްތަކާ ގުޅޭގޮތުން ވަނީ މަޝްވަރާކުރައްވައިފައެވެ. އަދި މި މަސައްކަތް އަވަސްކުރުމަށްޓަކައި ސަރުކާރަށް އެހީތެރިކަން ފޯރުކޮށްދެވިދާނެ ގޮތްތަކާ ގުޅޭގޮތުންވެސް މިއަދުގެ ބައްދަލުވުމުގައި މަޝްވަރާކުރައްވާފައިވެއެވެ.
ޝަންގްރިލާ ރިސޯޓު އަލުން ހުޅުވުމާ ގުޅޭގޮތުން ސަރުކާރުގެ ފަރާތުން ވަނީ މީގެ ކުރިންވެސް އެ ރިސޯޓުގެ މެނޭޖްމަންޓާ ބައްދަލުކޮށް މަޝްވަރާކުރައްވައިފައެވެ.
ކޯވިޑް-19 އާ ގުޅިގެން ދިމާވި އިޤުތިޞާދީ ގޮންޖެހުންތަކާ ގުޅިގެން ޝަންގްރިލާ ވިލިނގިލި ރިސޯޓު ބަންދުކުރީ 2021 ވަނަ އަހަރުގެ އޮގަސްޓު މަހުގައެވެ. އޭގެ ފަހުން މިހާތަނަށް އެ ރިސޯޓު ހުޅުވޭނެ މަގެއް އަދި ފެނިފައި ނުވެއެވެ. މި ރިސޯޓު ހުޅުވުން ލަސްވާތީ އައްޑޫގެ ރައްޔިތުންނާއި ކައުންސިލުންވެސް ވަނީ ކަންބޮޑުވުން ފާޅުކޮށްފައެވެ.
މި ލިޔުން ކިޔާލުމުން
