މާޅޮސް އަދި ފެންފުށީ ސްކޫލްގެ ނުނިމި ހުރި މަސައްކަތްތައް އާރުޑީސީއާ ހަވާލުކޮށްފި

ރާއްޖޭގެ 18 ރަށެއްގެ ސުކޫލްތަކުގައި ނުނިމިހުރި މަސައްކަތްތަކުގެ ތެރެއިން ހއ. މާޅޮސް އަދި ހދ. ފެންފުށި ސުކޫލްގެ މަސައްކަތް ނިންމުމަށް ތަޢުލީމީ ވުޒާރާއިން ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އާ ހަވާލުކޮށްފިއެވެ. މިކަމަށްޓަކައި ބޭއްވި ޚާއްޞަ ރަސްމިއްޔާތެއްގައި ތަޢުލީމީ ވުޒާރާގެ ފަރާތުން އެއްބަސްވުމުގައި ސޮއިކުރެއްވީ ވަޒީރު، ޑރ. އިސްމާޢީލް ޝަފީޢު އެވެ. އަދި އާރްޑީސީގެ ފަރާތުން އެއްބަސްވުމުގައި ސޮއިކުރެއްވީ އެ ކުންފުނީގެ މެނޭޖިންގ ޑިރެކްޓަރ ބްރިގޭޑިއަރ ޖެނެރަލް (ރިޓަޔަރޑް) ޢަލީ ޒުހައިރެވެ.

ރާއްޖޭގެ 18 ރަށެއްގެ ސުކޫލްތަކުގައި ނުނިމިހުރި މަސައްކަތްތަކުގެ ތެރެއިން އއ. މާޅޮސް އަދި އދ. ފެންފުށި ސުކޫލްގައި ނުނިމި ހުރި މަސައްކަތްތައް ނިންމުމަށް މިނިސްޓްރީ އޮފް އެޑިއުކޭޝަން އިން މި ކޯޕަރޭޝަނާއި އެކު މިއަދު ވަނީ އެއްބަސް ވުމެއްގައި ސޮއި ކޮއްފައެވެ.#TeamRDC pic.twitter.com/1z4lDgkqLW

— Road Development Corporation Ltd (@rdcmaldives) April 7, 2025

މީގެ އިތުރުން 16 ސްކޫލެއްގެ ނުނިމި ހުރި މަސައްކަތް ތަޢުލީމީ ވުޒާރާއިން ވަނީ އެމްޓީސީސީ އަދި ފެނަކަ ކޯޕަރޭޝަން ލިމިޓެޑާ ހަވާލުކޮށްފައެވެ.