ދިވެހިރާއްޖޭގެ ގައުމީ ޔުނިވަރސިޓީ (އެމްއެންޔޫ) ގެ މި އަހަރުގެ ގްރެޖުއޭޝަން ރަސްމިއްޔާތު މި މަހުގެ 24 ވަނަ ދުވަހު ބާއްވަން ނިންމައިފިއެވެ.
މި ރަސްމިއްޔާތުގައި ޔުނިވަރސިޓީގެ އެކި ދާއިރާތަކުން ކިޔަވާ ނިންމާފައިވާ 349 ދަރިވަރުން ގްރެޖުއޭޓްވާނެ ކަމަށް އެމްއެންޔޫއިން ވަނީ ހާމަކޮށްފައެވެ.
ގްރެޖުއޭޝަން ރަސްމިއްޔާތު ބޭއްވުމަށް ހަމަޖެހިފައިވަނީ އެމްއެންޔޫގެ އޭ ބްލޮކް އޮޑިޓޯރިއަމްގައި ތިން ސެޝަނަކަށް ބަހާލައިގެންނެވެ. ފުރަތަމަ ސެޝަންގައި އޮންނާނީ ސްކޫލް އޮފް ނާސިންގެ ބެޗެލާސް ޕްރޮގްރާމްތަކާއި، ސްކޫލް އޮފް މެޑިސިން އަދި ފެކަލްޓީ އޮފް އާޓްސްގެ ދަރިވަރުންގެ ގްރެޖުއޭޝަނެވެ.
ދެވަނަ ސެޝަންގައި އޮންނާނީ ފެކަލްޓީ އޮފް އެޑިއުކޭޝަން، ފެކަލްޓީ އޮފް ހޮސްޕިޓާލިޓީ އެންޑް ޓޫރިޒަމް ސްޓަޑީސް އަދި ފެކަލްޓީ އޮފް ޝަރީއާ އެންޑް ލޯގެ ދަރިވަރުންގެ ގްރެޖުއޭޝަނެވެ.
އަދި ތިންވަނަ އަދި އެންމެ ފަހު ސެޝަންގައި އޮންނާނީ ފެކަލްޓީ އޮފް އިންޖިނިއަރިންގ ސައިންސް އެންޑް ޓެކްނޮލޮޖީ، ކޮލެޖް އޮފް ފިޝަރީޒް އެންޑް އޯޝަން ސައިންސަސް، އެމްއެންޔޫ ބިޒްނަސް ސްކޫލް އަދި ސްކޫލް އޮފް ނާސިންގގެ ބިޒްނަސް ދާއިރާގެ ދަރިވަރުންގެ ގްރެޖުއޭޝަނެވެ.
މި ގްރެޖުއޭޝަން ރަސްމިއްޔާތަކީ ގައުމީ ޔުނިވަރސިޓީން ކޮންމެ އަހަރަކުވެސް ބާއްވަމުން އަންނަ އެންމެ މުހިންމު އެއް ރަސްމިއްޔާތެވެ. މި ރަސްމިއްޔާތުގައި ގްރެޖުއޭޓްވާ ދަރިވަރުންނަކީ ގައުމުގެ އެކި ދާއިރާތަކަށް އިތުރުވާ ޤާބިލް ޒުވާނުންނެވެ.
