މާމިގިލީ ކަނދިލި މިސްކިތް ތަރިކައިގެ ރަސްމީ ލިސްޓުގައި ހިމެނުމަށް ނިންމައިފި

އދ. މާމިގިލީ ކަނދިލި މިސްކިތް ތަރިކައިގެ ރަސްމީ ލިސްޓުގައި ހިމަނަން ދިވެހިބަހާއި ސަގާފަތާއި ތަރިކައާ ބެހޭ ވުޒާރާއިން ނިންމައިފިއެވެ. އެ ވުޒާރާއިން މިކަން ހާމަކޮށްފައިވަނީ މިއަދު އެކްސްގައި ކުރި ޕޯސްޓެއްގައެވެ.

އދ. މާމިގިލީ ކަނދިލި މިސްކިތް ތަރިކައިގެ ރަސްމީ ލިސްޓުގައި ހިމަނަން ވުޒާރާއިން ނިންމައިފި. މިއީ ވަރަށް މަތީފެންވަރުގެ ރީތި ހިރިގަލުގެ ފަންނީ މަސައްކަތްތަކެއް ފެންނަ މިސްކިތެއް. #ދައުލަތުގެޓީމުhttps://t.co/Z9gRyUIWeM pic.twitter.com/0XqKDICs4n

— Ministry of Dhivehi Language, Culture and Heritage (@MoDLCH) April 3, 2025

މިގޮތުން އެ ވުޒާރާއިން ބުނީ މިއީ ވަރަށް މަތީ ފެންވަރުގެ ރީތި ހިރިގަލުގެ ފަންނީ މަސައްކަތްތަކެއް ފެންނަ މިސްކިތެއް ކަމަށެވެ. މި މިސްކިތުން ގެންދިޔަ ވޮއްކޮޅު ފަދަ ތަކެތި މިހާރު ވެސް ދާރުލްއާސާރުގައި އެބަހުރި ކަމަށް ވެއެވެ. މި މިސްކިތް ހިމާޔަތް ކުރުމަކީ މާމިގިލީ ރައްޔިތުން ވަރަށް ކުރީއްސުރެ އެދެމުން އަންނަ ކަމެކެވެ. ވީމާ، ދިވެހިބަހާއި ސަގާފަތާއި ތަރިކައާ ބެހޭ ވުޒާރާއިން މިއަދު މި ނިންމި ނިންމުން ވެގެންދާނީ އެ ރަށު ރައްޔިތުންނަށް ލިބޭ ބޮޑު ހިތްހަމަޖެހުމަކަށްކަން ޔަޤީނެވެ.