ބީއެމްއެލްގެ ކާޑު ޚިދުމަތްތަކަށް ބުރޫއަރައިފި

ބޭންކް އޮފް މޯލްޑިވްސް (ބީއެމްއެލް) އިން ދެމުންގެންދާ ކާޑު ޚިދުމަތްތަކަށް ބުރޫ އަރައިފިއެވެ. ބީއެމްއެލް އިން ވަނީ ރާވައިގެން ކުރިއަށްގެންދާ މެއިންޓަނަންސް މަސައްކަތެއްގެ ސަބަބުން މިއަދު 05:00 އިން 07:00 އަށް އެ ބޭންކުގެ ކާޑުގެ ޚިދުމަތްތަކަށް ބުރޫއަރާނެ ކަމަށް ބުނެފައެވެ.

The planned maintenance is taking longer than expected and customers will face interruptions to our Card Services, including on ATMs and POS machines, until approximately 2:30 pm. In the meantime, you can continue to use Mobile and Internet Banking to make payments. Our teams…

— Bank of Maldives (@bankofmaldives) March 15, 2025

އެހެންނަމަވެސް މީގެ އިރުކޮޅެއް ކުރިން ބޭންކުން އެކްސްގައި ކުރި ޕޯސްޓެއްގައި ބުނެފައިވަނީ ލަފާކުރި ވަރަށްވުރެ މެއިންޓަނަންސް މަސައްކަތް ދިގުލައިގެން ގޮސްފައިވާ ކަމަށާއި، އޭޓީއެމް އަދި ޕޮސް މެޝިންތައް ހިމެނޭހެން ބީއެމްއެލްގެ ކާޑު ޚިދުމަތްތައް މިއަދު 14:30 އާ ހަމައަށް މެދުކެނޑޭނެ ކަމަށެވެ. ނަމަވެސް، މި ވަގުތުތަކުގައިވެސް ބޭންކުގެ މޮބައިލް އަދި އިންޓަނެޓު ބޭންކިންގެ ޚިދުމަތްތައް މެދުވެރިކޮށް ފައިސާ ދެއްކޭނެ ކަމަށް ބޭންކުން ބުނެއެވެ. ބީއެމްއެލް އިން ބުނީ ޚިދުމަތް އަލުން އިއާދަކުރުމަށް ބޭންކުގެ ޓީމުތަކުން މަސައްކަތް ކުރަމުންދާ ކަމަށެވެ. އަދި މިކަމުގެ ސަބަބުން ދިމާވެދާނެ ދަތިތަކަށް ބޭންކުން ވަނީ މަޢާފަށްވެސް އެދިފައެވެ.