ޅަދަރީންގެ ޙައްގުތަކަށް އަރައިގަތުމަކީ ސަރުކާރު ޖަވާބުދާރީ ކުރުމެއް ނޫން ކަމަށް އިކޮނޮމިކް މިނިސްޓަރ މުހައްމަދު ސަޢީދު ވިދާޅުވެއްޖެއެވެ.
މިނިސްޓަރ ސައީދު ވިދާޅުވީ ރައީސް ޑރ މުޢިއްޒުގެ ޢާއިލާއާއި އެމަނިކުފާނުގެ ޅަދަރީންގެ ޙައްގުތަކަށް އަރައިގަތުމަކީ ސަރުކާރު ޖަވާބުދާރީ ކުރުމެއް ނޫން ކަމަށާއި މިހާ ދަށުދަރަޖައިގެ ކަމެއް ކުށްވެރި ކުރުމުގެ ބަދަލުގައި، އިދިކޮޅު ބައެއް ލީޑަރުން މިކަން ދިފާޢުކުރުމަކީ ގޮތްކުޑަ ލަދުވެތި އަމަލެއް ކަމަށް ކަމަށެވެ.
ރައީސް ޑރ މުޢިއްޒުގެ ޢާއިލާއާއި އެމަނިކުފާނުގެ ޅަދަރީންގެ ޙައްގުތަކަށް އަރައިގަތުމަކީ ސަރުކާރު ޖަވާބުދާރީ ކުރުމެއް ނޫން. މިހާ ދަށުދަރަޖައިގެ ކަމެއް ކުށްވެރި ކުރުމުގެ ބަދަލުގައި، އިދިކޮޅު ބައެއް ލީޑަރުން މިކަން ދިފާޢުކުރުމަކީ ގޮތްކުޑަ ލަދުވެތި އަމަލެއް.
— Mohamed Saeed (@em_saeed) March 14, 2025
މިނިސްޓަރ މިހެން ވިދާޅުވެފައިވަނީ އެމްޑީޕީން މިހާރު ބާއްވަމުންދާ ސިލްސިލާ މުޒާހަރާތަކުގެ ތެރެއިން ރައީސް ޑރ. މުޙައްމަދު މުޢިއްޒުގެ ދަރިކަލަކަށް ނިސްބަތްކޮށް އެ ޕާޓީގެ އިސް އެކްޓިވިސްޓެއް ކަމަށްވާ މަރިޔަމް ޒުބައިރު (މަންދީ) ދެއްކި ވާހަކައާ ގުޅިގެންނެވެ.
އެމްޑީޕީގެ މުޒާހަރާގައި މަންދީ ދެއްކި ވާހަކަ އިލެކްޝަންސް ކޮމިޝަނާއި ހިއުމަން ރައިޓްސް ކޮމިޝަން އޮފް ދަ މޯލްޑިވްސް އިންވެސް ކުށްވެރިކޮށްފައިވާއިރު، ޕީއެންސީގެ ޕީޖީ ލީޑަރު އިބްރާހީމް ފަލާޙްގެ އިތުރުން ގިނަ ފަރާތްތަކުން ވަނީ އެ މައްސަލަ ބަލައި، މަންދީއަށް ފިޔަވަޅު އެޅުމަށްވެސް ގޮވާލައްވައިފައެވެ.
މި ލިޔުން ކިޔާލުމުން
