ފްލެޓަށް ޝަކުވާ ހުށަހަޅަން އެމްޑީޕީން ޕޯޓަލް އެއް ތައާރަފްކޮށްފި

މިދިޔަ މަހު އިއުލާންކުރި ފްލެޓް ތަކުގެ ލިސްޓާއި ގުޅޭގޮތުން ޝަކުވާ ހުށަހެޅުމަށް އެމްޑީޕީން މިއަދު ޕޯޓަލް އެއް ތައާރަފްކޮށްފިއެވެ. މިއީ ފްލެޓް ލިސްޓަށް ޝަކުވާ ހުށަހަޅަން ބޭނުންވާ ފަރާތްތަކަށް އެހީތެރިކަން ފޯރުކޮށް ދިނުމަށް ތައާރަފްކުރި ޕޯޓަލް އެއް ކަމަށް އެމްޑީޕީން ބުނެއެވެ. އެމްޑީޕީގެ މިދިޔަ ދައުރުގައި ހަދާފައި އާއްމުންނަށް ހުޅުވާލި ގެދޮރުވެރިޔާ ސްކީމްގެ ދަށުން 4000 މީހުންނަށް ފްލެޓް ދިނުމަށް ޝަރުތު ހަމަވާކަމަށް ބުނެ ލިސްޓް ވަނީ އާއްމުކޮށްފައެވެ. ނަމަވެސް ފްލެޓް ދިނުމުގައި ހައްގުވެރިކަން ކަނޑައެޅުމުގައި ކޮޕަރަޕްޝަންގެ ހިމެނޭ ކަމަށް ބުނެ އޭސީސީން ވަނީ އެ މައްސަލަ ބަލާފައެވެ. އެހެން ކަމުން އަލުސް ފްލެޓް ލިސްޓް އެކުލަވާލުމުގެ މަސައްކަތް ދޮޅު އަހަރަށް ފަހު މިދިޔަ މަހުގެ ފަހުކޮޅު ވަނީ އާއްމުކޮށްފައެވެ. ފްލެޓް ލިސްޓް ހައުސިން މިނިސްޓްރީން އާއްމުކުރި އިރު މިދިޔަ ސަރުކާރުގައި ފުލެޓު ލިބޭ ކަމަށް ކަނޑައެޅި 4،939 މީހެއްގެ ފޯމު އަލަން ބަލައި، މި ސަރުކާރުން އާންމުކުރި ލިސްޓުގައި ފުލެޓު ލިބޭ ކަމަށް ކަނޑައަޅައިފައިވަނީ 1،820 މީހުންނަށެވެ.

ފްލެޓު ލިސްޓަށް ޝަކުވާ ހުށަހެޅުމަށް އެމްޑީޕީން އެހީތެރިކަން ފޯރުކޮށްދެނީ ފްލެޓު ލިސްޓަށް މި ސަރުކާރުން ބަދަލު ގެނެސް އެތައް ހައްގުވެރިންނެއް އުނިކޮށްފައިވާތީ އެ ލިސްޓަށް ޝަކުވާ ހުށަހެޅުމަށް އެހީތެރިކަން ފޯރުކޮށްދިނުމުގެ ގޮތުން އެމްޑީޕީން ހާއްސަ ޕޯޓަލްއަކާއި ހޮޓްލައިނެއް… pic.twitter.com/YPAfh3Bj26

— Abdulla Shahid (@abdulla_shahid) March 8, 2025

އެމްޑީޕީން ބުނަނީ މި ސަރުކާރުން ބަދަލު ގެނެސް އެތައް ހައްގުވެރިންނެއް އުނިކޮށްފައިވާކަމަށެވެ. އެމްޑީޕީން ވަނީ ފްލެޓު ލިސްޓާ ގުޅޭ ޝަކުވާއެއް އޮތްނަމަ ޕޯޓަލް މެދުވެރިކޮށް ޝަކުވާ ހުށަހެޅުމާއި އެކަމަށް ޚާއްސަކޮށްފައިވާ ހޮޓްލައިން ނަމްބަރު 7571637 ނަންބަރަށް ވަޓްސްއެޕް، ވައިބާ އަދި ޓެލެގްރާމް މެދުވެރިކޮށް ޝަކުވާ ހުށަހެޅޭނެ އިންތިޒާމް ހަމަޖައްސާފައެވެ. ގެދޮރުވެރިޔާ ސްކީމަށް ޚާއްސަކޮށް މިހާރު އިމާރާތް ކުރަމުންދާ ޓަވަރުތަކުގައި ހިމެނެނީ ތިން ކޮޓަރީގެ 2،750 ފްލެޓާއި ދެ ކޮޓަރީގެ 1،250 ފުލެޓެވެ.  މި ފްލެޓްތަކަށް ޝަކުވާ ހުށަހެޅުމަށް މިމަހުގެ 31 ގެ ނިޔަލަށް ވަނީ ފުރުޞަތު ހުޅުވާލާފައެވެ.