ގަސްތައް ކަނޑާ މައްސަލައިގައި ކައުންސިލްގެ މައްޗަށް ދައުވާ ކުރަން ޖެހޭ: ނަޝީދު

މާލެ މަގުތަކުގައި ހުރި ގަސްތައް ކަނޑާ މައްސަލައިގައި މާލެ ސިޓީގެ ކައުންސިލްގެ މައްޗަށް ދައުވާ ކުރުމަށް ކުރީގެ ރައީސް މުހައްމަދު ނަޝީދު ގޮވާލައްވައިފިއެވެ. ވިލިމާލޭ މަގގުތަކެއްގައި ހުރި ބޮޑެތި ގަސްތަކެއް ކަނޑާފައިވާ ވީޑީއޯ އެއް ޕޯސްޓްކުރައްވާ، ނަޝީދު އެކްސްގައި ކުރެއްވި ޕޯސްޓެއްގައި ވިދާޅުވީ މާލޭ ސިޓީ ކައުންސިލުން އެ އިރެއްގައި ހިތުރުހުރި ގޮތަކަށް ގަސްތައް ކެނޑުމަކީ ޤާނޫނާއި ޚިލާފު ކަމެއް ކަމަށެވެ.

Male’ magu thakugai hedhifai huri gasthah, MCC e irehgai hithuhuri gothakah kandaa hedhumakee gaanoon aai hilaafah kuraa kameh. Mi kamugai e Council ge mahchah jinaaee dhauvaa ufulaan jehey kamah alhugandu dheken. pic.twitter.com/elCSB0Oxyy

— Mohamed Nasheed (@MohamedNasheed) March 6, 2025

އެ ވީޑިއޯގައި ފެންނަނީ މަގުގެ ދެ އަރިމަތީގައި ހެދިފައިހުރި ގަސްތަކެއް ކަނޑައިފައިވާ ތަނެވެ. އަދި މަގުގެ އެއް އަރިމަތިން ގާތައް ނަގައިފައި ހުންނަ ތަންވެސް އެ ވިޑިއޯ އިން ފެނެއެވެ. ސަރުކާރުން މިހާރު ވަނީ މާލޭގެ އިތުރުން ވިލިމާލޭގެ މަގުތައްވެސް ޒަމާނީފެންވަރަށް ތަރައްޤީ ކުރުމަށް ނިންމާފައެވެ. ވިލިމާލެ އަކީ މާލެއާއި ޚިލާފަށް ގްރީން އަވަށެއްގެ ގޮތުގައި އޮންނަ އަވަށެކެވެ. އެ އަވަށުގައި ގިނަ އަދަދަކަށް ގަސްތައް އެކި ސަރަހައްދުތަކުގައި ހުރެއެވެ. އަދި އެއީ އިންޖީނުލީ އުޅަނދު ދުއްވުން މަނާކޮށްފައިވާ އަވަށެކެވެ.