ޕާސްޕޯޓުގެ ޚިދުމަތް މުޅި ރާއްޖެއަށް ފުޅާކުރުމަށް ސަރުކާރުން ކުރިއަށްގެންދާ މަސައްކަތުގެ ތެރެއިން ށ. އަތޮޅުގައި ޕާސްޕޯޓުގެ ޚިދުމަތް ދޭން ފަށައިފިއެވެ.
މި ޚިދުމަތް ށ. އަތޮޅުގައި އިއްޔެ ރަސްމީކޮށް ފައްޓަވައިދެއްވީ ކޮންޓްރޯލާ އޮފް އިމިގްރޭޝަންސް މުހައްމަދު ޝަމްއާން ވަހީދެވެ.
ރައީސުލްޖުމްހޫރިއްޔާ ޑރ.@MMuizzuގެ ވަޢުދުފުޅާ އެއްގޮތަށް، ދިވެހި ޕާސްޕޯޓުގެ ޚިދުމަތް ރާއްޖޭގެ ހުރިހާ އަތޮޅަކަށް ފުޅާކުރުމުގެ މަޝްރޫޢުގެ ދަށުން، ށ އަތޮޅުގައި ދިވެހި ޕާސްޕޯޓުގެ ޚިދުމަތް، ކޮންޓްރޯލަރ ޖެނެރަލް އޮފް އިމިގްރޭޝަން @ShamaanW މިއަދު ވަނީ ފައްޓަވައި ދެއްވާފައި.… pic.twitter.com/sQeHYpEvzD
— Maldives Immigration (@ImmigrationMV) February 25, 2025
މިދިޔަ އަހަރު ލ އަދި ދ އަތޮޅުގައި ޕާސްޕޯޓްގެ ޚިދުމަތް ދޭން ފަށާފައިވާއިރު މިދިޔަ މަހު ހއ. އަތޮޅުުގައިވެސް ޕާސްޕޯޓްގެ ޚިދުމަތް ދޭން އިމިގްރޭޝަނުން ވަނީ ފަށާފައެވެ. މީގެ އިތުރުން އައްޑޫ ސިޓީ، ފުވައްމުލައް ، ހދ އަދި ގދ އަތޮޅުގައިވެސް ޕާސްޕޯޓްގެ ޚިދުމަތް ލިބެއެވެ. އިމިގްރޭޝަނުން މިހާރު ވަނީ މިއަހަރު ޕާސްޕޯޓްގެ ޚިދުމަތް ދިނުމަށް މަގުޗާޓެއް އެކުލަވާލާ ޚިދުމަތް ފުޅާކުރުމަށް މަސައްކަތް ފަށާފައެވެ.
އައިޑީ ކާޑާއި ޕާސްޕޯޓު ރައްޔިތުންނާ ގާތުން އަވަހަށް ފޯރުކޮށްދިނުމުގެ ޚިދުމަތް މުޅި ރާއްޖެއަށް ފުޅާކުރުމަކީ މި ސަރުކާރުގެ ސިޔާސަތެކެވެ.
މި ލިޔުން ކިޔާލުމުން
