ހުޅުމާލޭ ހޮސްޕިޓަލުގައި 30 އެނދުގެ ޑައިލިސިސް ސެންޓަރެއް ޤާއިމްކުރުމަށް މިއަދު ރަސްމީކޮށް އެއްބަސްވުމެއްގައި ސޮއިކޮށްފިއެވެ.
ހުޅުމާލޭ ހޮސްޕިޓަލުގެ އެކްސްގައި ހިއްސާކުރި ޕޯސްޓެއްގައި ބުނީ މި މަޝްރޫޢަކީ ދުވަހެއް ދުވަހަކަށް އާބާދީ އިތުރުވަމުންދާ ހުޅުމާލޭގެ ރައްޔިތުންނަށް ފަސޭހަކޮށްދިނުމަށްޓަކައި ކުރިއަށްގެންދާ މުހިންމު މަޝްރޫޢެކެވެ.
މި މަޝްރޫޢުގެ ދަށުން ކުރަންޖެހޭ ސިވިލް މަސައްކަތްތައް 90 ދުވަހުގެ ތެރޭގައި ނިންމުމަށް ވަނީ ހަމަޖެހިފައި ކަމަށާއި، މި ސެންޓަރު ޤާއިމްކުރުމުން ހުޅުމާލޭގެ ރައްޔިތުންނަށް ބޭނުންވާ ޑައިލިސިސްގެ ޚިދުމަތް ފުޅާވެގެންދާނެ ކަމަށް އެ ހޮސްޕިޓަލުން ބުނެފައިވެއެވެ.
https://twitter.com/HMH_mv/status/1891897133168722049
ހުޅުމާލޭގެ އާބާދީ އިތުރުވަމުން ދިއުމާއެކު، ޞިއްޙީ ޚިދުމަތްތައް ފުޅާކުރުމަކީ ސަރުކާރުން އިސްކަންދޭ ކަމެކެވެ. މި ޑައިލިސިސް ސެންޓަރު ޤާއިމްކުރުމުން ހުޅުމާލޭގެ ރައްޔިތުންނަށް މާލެއަށް ދަތުރުކުރުމަކާ ނުލައި މި މުހިންމު ޚިދުމަތް ލިބިގެންދާނެއެވެ.
