ރަށްރަށުގެ ފަތުރުވެރިކަމާއި ސަގާފަތް ޕްރޮމޯޓްކުރުމަށް ބާއްވާ ރަށު އެކްސްޕޯ ފަށައިފި

ރަށްރަށުގެ ފަތުރުވެރިކަމާއި ސަގާފަތް ޕްރޮމޯޓްކުރުމަށް ބާއްވާ "ރަށު އެކްސްޕޯ" ފަށައިފިއެވެ. މި އެކްސްޕޯ ރަސްމީކޮށް ހުޅުވައި ދެއްވީ އިކޮނޮމިކް މިނިސްޓަރ މުހައްމަދު ސަޢީދު އެވެ. ރަސްމިއްޔާތުގައި ވާހަކަފުޅު ދައްކަވަމުން މިނިސްޓަރ ވިދާޅުވީ މިއީ ކުދި ފިޔަފާރިތައް ކުރިއަރުވައި އެމީހުން މާރކެޓް ކުރުމަށް ވަރަށް މުހިންމު ކަމެއް ކަމަށެވެ.

Minister @em_saeed attended the Dhiraagu Rashu Expo 2025 at Central Park. The Rashu Expo is dedicated to enhancing domestic tourism in the Maldives by increasing awareness of the unique offerings of the islands, promoting local culture and heritage, and fostering economic growth.… pic.twitter.com/g5I4uEoU9b

— Ministry of Economic Development and Trade (@MoEDmv) February 13, 2025

މި އެކްސްޕޯގައި ރަށު ކައުންސިލްތަކާއި ގެސްޓްހައުސްތަކާއި ރިސޯޓުތަކާއި ކުދި އަދި މެދު ފަންތީގެ ވިޔަފާރިތަކުގެ 50 އަށްވުރެ ގިނަ ސްޓޯލް ވަނީ ބެހެއްޓިފައެވެ. ރަށްރަށުގެ ސްޓޯލްތަކުން ދަނީ އެމީހުންގެ ރަށުގެ ގެސްޓް ހައުސްތަކާއި ސަޤާފަތާއި ކެއުމާއި ރަށުގައި ކުރާ މަސައްކަތް މި އެކްސްޕޯގައި ދައްކާލަމުންނެވެ. އަދި ޕްރޮމޮޓް ކުރުމުގެ ގޮތުން އެކްސްޕޯ އަށް ޒިޔާރަތްކުރާ މީހުންނަށް ޚާއްޞަކޮށް އެ ރަށްރަށުގައި ޗުއްޓީ ހޭދަކުރުމުގެ ފުރުޞަތުވެސް ދޭ ޕްރޮމޯޝަންވެސް ކުރިއަށް އެބަދެއެވެ. "ދި ޓްރެވަލް ގައިސް" ގެ ފަރާތުން ބާއްވާ މި އެކްސްޕޯ ކުރިއަށް ދާނީ ހުޅުމާލެ ސެންޓަރަލް ޕާކުގައި މި މަހުގެ 13 އިން 15އަށެވެ.