ބެލްޖިއަމްގެ އާ ބޮޑުވަޒީރު، ބާރޓް ޑެ ވޭވަރއަށް، ރައީސް ޑރ. މުހައްމަދު މުއިއްޒު ތަހުނިޔާ ވިދާޅުވެއްޖެއެވެ.
ބާރޓް ޑެ ވޭވަރ ވަޒީރު ކަމުގެ ހުވައިކުރެއްވުމާ ގުޅިގެން، ރައީސް ފޮނުއްވި ތަހުނިޔާގެ ސިޓީފުޅުގައި، ބޮޑުވަޒީރަށް ކާމިޔާބު ދައުރަކަށް އެދިވަޑައިގެންފައި ވެއެވެ.
ރައީސް ވިދާޅުވީ ބާރޓް ޑެ ވޭވަރ ރައްޔިތުންގެ އުންމީދުތައް ފުރިހަމަކޮށްދެއްވާނެ ކަމުގެ އިތުބާރާއި ޔަޤީންކަން އެބަ އޮތް ކަމަށެވެ.
ރައީސްގެ ސިޓީފުޅުގައި ރާއްޖެއާއި ބެލްޖިއަމް އާއި ދެމެދުގައި އޮތް ގާތް ގުޅުމަށް އަލިއަޅުވާލައްވައި ވިދާޅުވީ ބައި ގަރުނެއްހާ ދުވަސްވީ އެކުވެރި ގުޅުމަކީ، ދެފަރާތުގެ މެދުގައި އޮތް އިހްތިރާމާއި، ހެޔޮ އެދުމުގެ މައްޗަށް ބިނާވެފައި އޮތް ގުޅުމެއް ކަމަށެވެ.
އަދި މިހާރު އޮތް ގުޅުން އިތުރަށް ބަދަހިކުރެއްވުމަށް ބައިނަލްއަޤްވާމީ ކަންކަމުގައި ގުޅިގެން މަސައްކަތް ކުރައްވާނެކަމުގެ ޔަގީންކަންވެސް ބެލްޖިއަމްގެ ބޮޑުވަޒީރަށް ރައީސް ދެއްވާފައިވެއެވެ.
މި ލިޔުން ކިޔާލުމުން
