ނޫސްވެރިކަމާ އިންޓަރނެޓް ރެގިއުލޭޓް ކުރާ ބިލެއް ތަޢާރަފް ކުރާކަށް ސަރުކާރުން އެެއްވެސް މަސައްކަތެއް ނުކުރޭ. ސަރުކާރުގެ ލެޖިސްލޭޓިވް އެޖެންޑާގައިވެސް އެފަދަ ބިލެއް ހިމެނިފައި ނުވާނެ. ކުރިއަށްއޮތް ތަނުގައިވެސް އެފަދަ ބިލެއް ތަޢާރަފް ކުރުމުގެ ވިސްނުމެއްނެތް. ކުރިންވެސް…
— Heena Waleed (@MvSpokesperson) January 26, 2025
މީގެ އިތުރުން ހީނާ ވިދާޅުވީ ސަރުކާރުގެ ސިޔާސަތަކީ ކުރިންވެސް ހާމަކުރައްވާފައިވާ ގޮތަށް މީޑިއާތައް ޑީ ރެގިއުލޭޓް ކުރުމާއެކު ސެލްފް ރެގިއުލޭޓަރީ ނިޒާމަކަށް ފުރުސަތު ދިނުން ކަމަށެވެ. އަދި މި ސަރުކާރުގެ އެންމެ ފުރަތަމަ ދުވަހުން ފެށިގެންވެސް އެންމެ އިސްކަންދޭ ސިޔާސަތަކީ މީޑިއާގެ މިނިވަންކަން އެންމެ ފުޅާ ދާއިރާއެއްގައި ޤާއިމްކޮށް ދެމެހެއްޓުން ކަމަށްވެސް ހީނާ ވިދާޅުވިއެވެ. ހީނާ މިހެން ވިދާޅުވިއިރު، ނޫސްވެރިކަމާއި އިންޓަރނެޓު ރެގިއުލޭޓްކުރާ ބިލެއް ރައްޔިތުންގެ މަޖިލީހަށް ހުށަހެޅުމުގެ މަސައްކަތް ކުރަމުންދާ ކަމަށް މަޖިލީހުގެ ނައިބު ރައީސް، އަޙްމަދު ނާޒިމް ވަނީ ވިދާޅުވެފައެވެ. މިގޮތުން ސަން އޮންލައިންގެ "އެޑިޓަރުގެ ސުވާލު" ޕްރޮގްރާމްގައި ވާހަކަ ދައްކަވަމުން ނާޒިމް ވިދާޅުވީ އެ ބިލުގެ މަސައްކަތް ކުރަމުން އަންނަތާ ދެ މަހެއްހާ ދުވަސް ވެފައިވާ ކަމަށާއި، މަޖިލީހުގެ އައު ދައުރު ހުޅުވުމުން މަޖިލީހަށް ބިލު ހުށަހެޅުމަށް ތައްޔާރުވަމުންދާ ކަމަށެެވެ."ކުރިއަށްއޮތް ތަނުގައިވެސް އެފަދަ ބިލެއް ތަޢާރަފް ކުރުމުގެ ވިސްނުމެއް ނެތް."
