ވަގުތީ ކޭބަލެއް އަޅައި، ސައިމާ ގޯޅިއާއި ގުލާބީމަގަށް އަލުން ކަރަންޓު ދީފި

ސްޓެލްކޯގެ ޑިސްޓްރިބިއުޝަން ވިއުގައިގައި ހިމެނޭ ލޯ-ވޯލްޓޭޖް ކޭބަލަކަށް ގެއްލުންވެ، ރޭ ކަރަންޓުގެ ޚިދުމަތް މެދުކެނޑުނު ސަރަހައްދަށް ވަގުތީ ކޭބަލެއް އަޅައި އަލުން ކަރަންޓު ދީފިއެވެ. ރޭ ކަރަންޓު ކެނޑިފައިވަނީ ސައިމާ ގޯޅިއާއި ގުލާބީމަގު ހިމެނޭ ސަރަހައްދުންނެވެ.

އަޕްޑޭޓް: މި ކުންފުނީގެ ޑިސްޓްރިބިއުޝަން ވިއުގައިގައި ހިމެނޭ ލޯ-ވޯލްޓޭޖް ކޭބަލަކަށް ގެއްލުންވެ، ކަރަންޓުގެ ހިދުމަތް މެދުކެނޑުނު ސައިމާ ގޯޅިއާއި ގުލާބީމަގު ހިމެނޭ ސަރަހައްދަށް ވަގުތީ ކޭބަލެއް އަޅައި މިހާރު ވަނީ އަލުން ކަރަންޓު ދެވިފައި. ދިމާވި ދަތިތަކަށް މަޢާފަށް އެދެން. https://t.co/TyeY8Xp4sz pic.twitter.com/neFhwJ6SU3

— STELCO (@STELCOMALDIVES) January 17, 2025

މި ސަރަހައްދުން ކަރަންޓު ކެނޑިފައިވާކަން ސްޓެލްކޯއިން ހާމަކުރީ ރޭ 10:30 ހާއިރު އެވެ. އަލުން ކަރަންޓު ދިނުމަށްޓަކައި ވަގުތީ ކޭބަލެއް އެޅުމުގެ މަސައަކަތް ނިންމައި އަލުން ކަރަންޓު ފޯރުކޮށްދެވިފައިވަނީ ރޭ 01:27 ހާއިރެވެ. ސްޓެލްކޯ އިން ވަނީ މިއަދުވެސް މާލޭގެ ބައެއް ސަރަހައްދުތަކުން ކަރަންޓު ކެނޑޭނެ ކަމަށް ބުނެފައެވެ. ސްޓެލްކޯ އިން ހާމަކޮށްފައިވާ ގޮތުގައި އެކުންފުނީގެ ކަރަންޓުގެ ވިއުގަ އަޕްގްރޭޑް ކުރުމުގެ މަސައްކަތަށް މާލެ ސިޓީ، ފާށަނާ ކިލެގެ މަގު، ބޮޑުރަސްގެފާނު މަގު، ސިއްތިމާވާ ހިނގުން ހިމެނޭ ސަރަޙައްދުން މިއަދު 14:00 އާއި 16:30 އާ ދެމެދު ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެކެވެ. މީގެ އިތުރުން، ބޮޑުތަކުރުފާނުމަގު، ބުރެވި މަގު، ބޮޑު ފުންގަނޑުމަގު އަދި ހިތިގަސް މަގު ހިމެނޭ ސަރަޙައްދުންވެސް މިއަދު 09:30 އާއި 11:30 އާ ދެމެދު ކަރަންޓުގެ ޚިދުމަތް މެދުކެނޑިދާނެ ކަމަށް އެ ކުންފުނިން ވަނީ ބުނެފައެވެ. އަދި، ލިލީމަގު، ޗާންދަނީ މަގު އަދި ދަރުމަވަންތަ މަގު ހިމެނޭ ސަރަޙައްދުން ހޮނިހިރުދުވަހުގެ (18 ޖަނަވަރީ 2025) މެންދުރުފަހު 14:00 އާއި 15:00 އާ ދެމެދު ކަރަންޓުގެ ޚިދުމަތް މެދުކެނޑުމަކީ އެކަށީގެންވާ ކަމެއް ކަމަށްވެސް ސްޓެލްކޯ އިން ބުނެއެވެ. ސްޓެލްކޯ އިން ވަނީ ކަރަންޓު ކެނޑުމުގެ ސަބަބުން ކަސްޓަމަރުންނަށް ދިމާވެދާނެ ދަތިތަކަށް މަޢާފަށްވެސް އެދިފައެވެ.