އިންޑިއާގެ ބެންގަލޫރު ބަޔޯއިނޮވޭޝަން ސެންޓަރ (ބީބީސީ) ބޮޑު އަލިފާނުގެ ހާދިސާއެއް ހިނގައި 120 އަށްވުރެ ގިނަ ލެބޯޓަރީ ހަލާކުވެއްޖެ އެވެ.
ކެމިކަލް ގެންގުޅޭ ގިނަ ލެބޯޓަރީތަކެެއް ހިންގާ މި އިމާރާތުގައި ހިނގި މިހާދިސާގައި އެއްވެސް މީހަކަށް ގެއްލުމެއް ލިބިފައިނުވި ނަމަވެސް އިމާރާތަށް ލިބިފައިވާ ގެއްލުމުގެ އަދަދު 150 ކުރޯޑް ރުޕީސް އާއި ގާތްކުރާކަމަށް ފުލުހުން އަންދާޒާކުރެ އެވެ.
މިހާތަނަށް ތަޙުޤީޤަށް ލިބިފައިވާ މައުލޫމާތުން އެނގޭ ގޮތުގައި މިހާދިސާ ހިނގާފައިވަނީ ކެމިކަލް ރިއެކްޝަނަކުންނެވެ.
މި އަލިފާނުގެ ހާދިސާގައި އެ ސެންޓަރުގެ ދެވަނަ ފަންގިފިލާ މުޅިން ހަލާކުވެ، ފުރަތަމަ ފަންގިފިލާ އަދި ތިރީ ބުރިއަށް ވެސް ވަރަށް ބޮޑެތި ގެއްލުންތައް ލިބިފައިވާ ކަމަށް ފުލުހުން ބުނެފައިވެ އެވެ. ހާއްސަކޮށް ބެންގަލޫރު ބަޔޯ ބޭންކް، ކްލީންރޫމް ފެސިލިޓީތައް، އަދި ފްލޯ ސައިޓޯމެޓްރީ އިކުއިޕްމަންޓް ފަދަ މުހިންމު އިންފްރާސްޓްރަކްޗަރތަކަށް ވަރަށް ބޮޑެތި ގެއްލުންތަކެއް ވަނީ ލިބިފައިވެ އެވެ.
މި އިމާރާތުގައި ރޯވި އަލިފާން އެކީ ނިއްވާލެވިފައި ވަނީ 5 ގަޑިއިރު ވަންދެން ކުރި މަސައްކަތައް ފަހު ގައި ކަމަށް ފުލުހުން ބުނެފައިވެ އެވެ.
މި ލިޔުން ކިޔާލުމުން
