މޫސުން ގޯސްވާނެ ކަމަށް މެޓް އޮފީހުން ލަފާކޮށްފައިވާތީ، ރައްޔިތުންނަށް ލިބިދާނެ ގެއްލުމަކަށް ތައްޔާރުވުމުގެ ގޮތުން ފެނަކައިން ޓީމެއް އެކުލަވާލައިފިއެވެ.
މިކަމާ ގުޅިގެން ފެނަކައިން ނެރެފައިވާ ބަޔާނުގައި ބުނީ މެޓް އޮފީހުން ނެރެފައިވާ ބަޔާނާއި ގުޅިގެން، ރާއްޖޭގެ އެކި ސަރަހައްދުތަކަށް ކުރިއަށް އޮތް ހަފްތާގައި މޫސުން ގޯސްވެ ވިއްސާރަ ކުރާނެ ކަމަށް ލަފާކޮށްފައި ވުމާއި އެކު، ދިމާވެދާނެ ކަންކަމަށް ދުރާލާ ތައްޔާރުވުމަށް ފެނަކައިގެ ބްރާންޗްތަކުގައި އެކުލަވާލެވިފައިވާ ކުއްލި ހާލަތްތަކަށް އިޖާބަދޭ ޓީމްތަށް ރަށްރަށުގައި ހަރަކާތްތެރިވާ މުއައްސަސާތަކާއި ގުޅިގެން ތިބީ ތައްޔާރަށް ކަމަށެވެ.
އެ ބަޔާނުގައި ބުނީ ފެނަކައިން ހިދުމަތްދޭ 151 ރަށުގައި އެ ޓީމުތަށް ވާނީ އެކުލަވާލާފައި ކަމަށެވެ. އަދި މި ޓީމު ތަކުގައި ޖުމްލަ 2311 މެމްބަރުން ހަރަކާތްތެރި ވާނެ ކަމަށެވެ.
މިފަދަ ކޮންމެ ހާލަތެއްގައިވެސް ރައްޔިތުންނާއި ގާތުން، ރައްޔިތުންނަށް އެހީތެރިކަން ފޯރުކޮށް ދިނުމުގައި ދެމި ތިބޭނެ ކަމުގެ ޔަގީންކަން ދޭ ކަމަށް ފެނަކައިން ބުނެފައިވެއެވެ.
އަދި ރައްޔިތުންގެ ސަލާމަތާއި ރައްކާތެރިކަމަށް އިސްކަންދީ، ކުއްލި ހާލަތްތަކުގައި އެހާތެރިކަން ފޯރުކޮށްދިނުމަކީ ފެނަކައިން ހާއްސަ އަހަމިއްޔަތެއް ދޭ ކަމެއް ކަމުގައި ވެސް ފެނަކައިން މި ބަޔާނުގައި ބުނެފައިވެއެވެ.
މި ލިޔުން ކިޔާލުމުން
