ގާނޫނީ އިމުގެ ތެރެއިން ސުލްހަވެރިކަމާއެކު ޚިޔާލު ފާޅުކުރުމަށް މި ސަރުކާރުން ހުރަހެއް ނާޅާނެ ކަމަށް ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ޝުޖާއު މިރޭ ވިދާޅުވެއްޖެއެވެ.
ޝުޖާއު މިހެން ވިދާޅުވީ އެމްޑީޕީއަށް އަމާޒުކޮށް އެކްސްގައި ކުރެއްވި ޕޯސްޓެއްގައެވެ.
ޝުޖާއު ވިދާޅުވީ ގާނޫނީ އިމުގެ ތެރެއިން ސުލްހަވެރިކަމާއެކު ޚިޔާލު ފާޅުކުރުމަށް މިސަރުކާރުން ހުރަހެއް ނާޅާނެ ކަމަށާއި، ނަމަވެސް ގާނޫނުން ބޭރުން އެއްވެސް ކަމެއް ނުކުރެވޭނެ ކަމަށެވެ.
''އަހަރެމެން އިދިކޮޅުގައި ތިބި އިރު ހިނގި ގޮތައް މިއަދުވެސް ގާނޫނު ހިނގާނެ. ހަނދާން މި ކޮށްލަ ދިނީ!'' ޝުޖާއު ވިދާޅުވިއެވެ.
ފެހި ގާނޫނުއަސާސީގެ 27 ވަނަ މާއްދާގެ ދަށުން، ދުލާއި ގަލަމުގެ ޚިޔާލު ފާޅުކުރުމުގެ މިނިވަންކަން ލިބިފައިވާއިރު، ގާނޫނުއަސާސީގެ 28 ވަނަ މާއްދާއިން، ނޫސްވެރިކަމުގެ މިނިވަންކަން ލިބި، ނޫސްވެރިންނަށް ފުރިހަމަ ހިމާޔަތާއި ރައްކާތެރިކަން ކަށަވަރުކޮށްދީފައެވެ.
ރައީސް ޑރ. މުޙައްމަދު މުޢިއްޒު ވަނީ މި ސަރުކާރަކީ އެ ހައްގުތައް ނިގުޅައިގަންނާނެ ސަރުކާރެއް ނޫން ކަމަށް ވައުދުވެވަޑައިގެންފައެވެ. އެގޮތުން މިއީ ސުލްހަވެރިކަމާއެކު އިހުތިޖާޖުކުރުމުގެ ފުރުސަތު ދޭނެ ސަރުކާރެއް ކަމަށާއި، ނޫސްވެރިންނަށް ދުލާއި ގަލަމުގެ މިނިވަންކަން ފުރިހަމައަށް ދޭނެ ސަރުކާރެއް ކަމަށް އެމަނިކުފާނު ވަނީ ވިދާޅުވެފައެވެ.
ނަމަވެސް ގާނޫނުއަސާސީއާ ޚިލާފަށް އެއްވެސް ކަމެއް ކޮށްފިނަމަ، އެކަމާމެދު ފިޔަވަޅު އަޅުއްވާނެ ކަމަށާއި، ވަކި މީހެއް ބެލުމެއްނެތި ގާނޫނުތައް ތަންފީޒުކުރައްވާނެ ކަމަށް އެމަނިކުފާނު ވަނީ ވިދާޅުވެފައެވެ.
މި ލިޔުން ކިޔާލުމުން
