ރަނގަޅަށް މަސައްކަތް ކުރެއްވިއްޖެ ނަމަ ޖީޑީޕީގެ ނިސްބަތުން އެންމެ ބޮޑު މުއްސަނދިކަމެއް ހޯދެން އޮތް މަސްވެރިކަމުގެ ދާއިރާއިން ކަމަށް ރައީސުލް ޖުމުހޫރިއްޔާ ޑޮކްޓަރ މުޙައްމަދު މުޢިއްޒު ވިދާޅުވެއްޖެއެވެ.
ގއ ދެއްވަދޫ އަށް ވަޑައިގެން އެ ރަށުގެ ރައްޔިތުންނާއި ބައްދަލުކުރައްވާ މިއަދު ދެއްކެވި ވާހަކަފުޅުގައި ރައީސް ވަނީ މަސްވެރިކަމަކީ ދެއްވަދޫގެ ވަރަށް ގިނަ ރައްޔިތުންނާއި ގުޅިފައިވާ މަސައްކަތެއްކަން ފާހަގަކުރައްވާފައެވެ.
އެގޮތުން ސަރުކާރުން މަސްވެރިކަމުގެ ދާއިރާ ކުރިއަރުވަން ކުރައްވަމުން ގެންދަވާ މަސައްކަތަށް އިޝާރާތްކުރައްވާ ރައީސް ވިދާޅުވީ މަސްވެރިކަމަކީ ދިވެހިންގެ އަތްމަތީގައި އޮތް، ކުރިއެރުވޭނެ ދާއިރާއެއް ކަމަށެވެ. ރައީސް ވިދާޅުވީ ބޭރުގެ އެހީތެރިކަމާއި ، ބަޖެޓުން ހޭދަކޮށްގެން މަސްވެރިކަމުގެ ސިނާޢަތް ފުޅާކޮށް މަސްވެރިންނާއި، އިތުރުފަރާތްތަށް މި މި އިންޑަސްޓްރީއަށް ވަނުމަށް ހިތްވަރު ލިބޭނެގޮތަކަށް މަސްވެރިކަމުގެ ދާއިރާ ކުރިއަރުވަން ބޭނުންވާ ކަމަށް ރައީސް ވިދާޅުވިއެވެ.
" މަސްވެރިކަމަކީ ދިވެހިންގެ އަތްމަތީގައި އޮތް ކަމެއް. ބޭރުގެ އެހެން ތަންތާނގައި ހިނގާ ނުރައްކާތެރި ކަންކަމާ ހާދިޞާތަކާއި ސީދާ އެހާބޮޑަށް ގުޅިފައި ނެތް އަޅުގަނޑުމެންގެ އަތްމަތީގައި އަޅުގަނޑުމެންނަށް ކުރިއެރުވެން އޮތް މުހިންމު އަޅުގަނޑުމެންގެ ލޭނާރު" ރައީސް ޑރ. މުޙައްމަދު މުޢިއްޒު ވިދާޅުވިއެވެ.
ރައީސް ވަނީ މިދިޔަ މަސްވެރިންގެ ދުވަހުން ފެށިގެން 48 ގަޑިއިރު ތެރޭ މަސްވެރިންނަށް ދަނީ ފައިސާ ދެމުންދާކަން ފާހަގަކުރައްވާ ކުރިއަށް އޮތް ތަނުގައި މަސްވެރިންގެ ޚިޔާލާ އެކު މިދާއިރާ ކުރިއަރުވަން މަސައްކަތް ކުރައްވާނެކަމަށް ކަމުގެ އުއްމީދު ދެއްވާފައެވެ.
މި ލިޔުން ކިޔާލުމުން
