ރާއްޖޭގެ ހުރިހާ އިމާމުންނާއި ޚަޠީބުން ތަމްރީނު ކުރުމަށް ހިންގުން ޤައުމީ މަޝްރޫޢު 2024 ނިންމާލައިފިއެވެ.
އިސްލާމީކަންތައްތަކާ ބެހޭ ވުޒާރާއިން ބުނީ މި މަޝްރޫޢު ނިންމާލީ ވަރަށް ކާމިޔާބުކަމާއި އެކުގައި ކަމަށެވެ.
އިމާމުން ތާޒާކުރުމުގެ ގައުމީ މަޝްރޫއަކީ އިސްލާމީކަންތައްތަކާ ބެހޭ ވުޒާރާއިން، އިމާމުކަމުގެ ދާއިރާއިން އިތުރު ތަމްރީނު ދިނުމަށްޓަކައި ތަފާތު 11 ސަރަހައްދަކަށް ބަހާލައިގެން މުޅި ރާއްޖޭގެ ދާއިމީ އިމާމުންނަށާއި ޚަޠީބުންނަށް އަމާޒުކޮށްގެން ކުރިއަށް ގެންދިޔަ އިންޓެންސިވް ޓްރެއިނިން ޕްރޮގްރާމެކެވެ.
2024 ވަނަ އަހަރު އިމާމުންނާއި ޚަޠީބުން ތަމްރީނު ކުރުމަށް ހިންގި މި ޤައުމީ މަޝްރޫޢު ގައި ޖުމްލަ 930 އިމާމުންނާއި ޚަޠީބުން ވަނީ ތަމްރީން ކޮށްފައެވެ.
އެއީ
- މާލޭގައި ހިންގުނު ޓްރޭނިންގ ގައި ބައިވެރިވި ޢަދަދު: 139 (ފިޒިކަލްކޮށް)
- އައްޑޫ ސިޓީ ގައި ހިންގުނު ޓްރޭނިންގ ގައި ބައިވެރިވި ޢަދަދު: 68 (ފިޒިކަލްކޮށް)
- ފުވައްމުލައް ސިޓީގައި ހިންގުނު ޓްރޭނިންގ ގައި ބައިވެރިވި ޢަދަދު: 15 (ފިޒިކަލްކޮށް)
- ހއ، ހދ، ށ، ބ، ޅ، ކ، އއ އަދި އދ އަތޮޅުގައި ހިންގުނު ޓްރޭނިންގ ގައި ބައިވެރިވި ޢަދަދު: 321 (އޮންލައިންކޮށް)
- ނ، ރ، ފ، ދ، ތ އަދި ލ އަތޮޅުގައި ހިންގުނު ޓްރޭނިންގ ގައި ބައިވެރިވި ޢަދަދު: 272 (އޮންލައިންކޮށް) -
- ވ އަދި މ އަތޮޅުގައި ހިންގުނު ޓްރޭނިންގ ގައި ބައިވެރިވި ޢަދަދު: - 40 (އޮންލައިންކޮށް)
- ގއ އަދި ގދ އަތޮޅުގައި ހިންގުނު ޓްރޭނިންގ ގައި ބައިވެރިވި ޢަދަދު: 75 (ފިޒިކަލްކޮށް)
އުތުރާއި ދެކުނުން އަދި މެދުރާއްޖޭތެރޭގެ ހުރިހައި ރަށަކަށް މިޕްރޮގުރާމް ވަނީ ހިންގާފައެވެ.
މި ޕްރޮގްރާމާއި ބެހޭ ގޮތުން އިސްލާމީކަންތައްތަކާ ބެހޭ ވަޒީރު ވަޒީރު ޑރ. މުޙައްމަދު ޝަހީމް އަލީ ސަޢީދު ވިދާޅުވީ އިމާމުން ތާޒާ ކުރުމުގެ ޕްރޮގްރާމް މިއަހަރު ޕްލޭންކުރި ގޮތަށް ހުރިހާ އިމާމުންނަށް ހިންގާފައިވާނެ ކަމަށާއި މިއީ ވަރަށް ކާމިޔާބު ޕްރޮގްރާމެއް ކަމަށެވެ.
ޖުމްލަ ނުވަ މޮޑިއުލެއް ބައިވެރީންނަށް އުނގަންނައިދިން މި ތަމްރީނު ޕްރޮގްރާމުގެ މަގްސަދަކީ އިމާމުކަމުގެ ދާއިރާއިން އިމާމުންނަށް އިންޓެންސިވް ތަމްރީނެއް ދިނުމާއި މި ޒަމާނުގައި އިމާމުންނަށް ބޭނުންވާ، މިސްކިތްތަކާ ގުޅޭ އިތުރު މަޢުލޫމާތު ފޯރުކޮށްދިނުން، ގުރްއާނާއި، ތަޖުވީދުގެ ޢިލްމާއި، ތަފްސީރާއި ފިގުހާއި ޙަދީޘާއި އަގީދާގެ ޢިލްމުގެ ދާއިރާއިން އިމާމަކަށް ބޭނުންވާ މުހިއްމު ޢިލްމީ ކަންކަން އުނގަންނައި ދިނުމާއި މިސްކިތްތައް ބެލެހެއްޓުމުގެ ގޮތުން އަދާކުރަންޖެހޭ މަސްއޫލިއްޔަތު އަދާކުރެވޭނެ ވަރަށް އިމާމުންގެ ޝަހްސިއްޔަތު ބިނާކުރުމެވެ.
އިސްލާމީކަންތައްތަކާ ބެހޭ ވުޒާރާއިން ބުނީ މި މަޝްރޫއުގެ ދަށުން ކުރިއަށް ގެންދިޔަ ޓްރެއިނިންގ ޕްރޮގްރާމް ފެށުނީ 2024 ފެބްރުއަރީ މަހުގެ 10 ވަނަ ދުވަހު، ގއ. ގެމަނަފުށީގައި ކަމަށާއި އެއަށް ފަހު، ފުވައްމުލައް ސިޓީއާއި އައްޑޫ ސިޓީއާއި މާލޭ ސިޓީގައި ވަނީ ވަރަށް ކާމިޔާބު ޕްރޮގުރާމެއް ހިންގިފައި ކަމަށެވެ.
މި ލިޔުން ކިޔާލުމުން
