އެމެރިކާގެ އިންތިހާބީ ރައީސް ޑޮނަލްޑް ޓްރަމްޕުގެ މައްޗަށް ސާބިތުވެފައިވާ ޖިނާއީ ކުށަށް އަދަބު ކަނޑައެޅުން ޖެނުއަރީ 10 ވާހުކުރު ދުވަހަށް ނިއު ޔޯކުގެ ކޯޓުން ތާވަލްކޮށްފިއެވެ.
ބަރަހަނާ ފިލްމު ކުޅޭ މީހަކާ އެކު ބޭއްވި ނަހަމަ ގުޅުން ސިއްރުކޮށްދޭން ޝަރުތުކޮށް، ކެމްޕެއިން ފައިސާއިން އެ މީހާއަށް ހަރަދުކޮށް އެކަން ފޮރުވަން ވިޔަފާރީގެ ހިސާބުތައް އޮޅުވާލި މައްސަލައިގައި މީގެ ކުރިން ވަނީ ކުށް ސާބިތުވާ ކަމަށް ޖޫރީން ކަނޑައަޅާފައިވަނީ މިދިޔަ މެއި މަހުގެ ތެރޭގައެވެ. ޓްރަމްޕް ގެ މައްޗަށް ކުރަނީ ރިޝްވަތު ދިނުމާއި، ޚިޔާނާތް ފޮރުވަން މަސައްކަތް ކުރެއްވުމުގެ ކުށުގެ ދަޢުވާ އެވެ.
މީޑިއާ ތަކުން ރިޕޯޓްކޮށްފައިވާ ގޮތުގައި ފަނޑިޔާރު މިކަމުގައި ގޮތް ކަނޑައަޅުއްވައި އާންމުކުރެއްވި 18 ސަފުހާގެ ނިންމުމުގައި ވިދާޅުވެފައި ވަނީ ކުށުގެ އަދަބަކަށް ޖަލަށް ލުމުގެ ވިސްނުމެއް ނުގެންގުޅުއްވާ ކަމަށެވެ. އެހެން ކަމުން ޓްރަމްޕް ޖަލަށް ލާނެ ކަމަށް ނުބެލެވެއެވެ.
އެމެރިކާގައި މިދިޔަ ނޮވެމްބަރު މަހު ބޭއްވި ރިޔާސީ އިންތިޚާބު ކާމިޔާބު ކުރެއްވި ޓްރަމްޕް ރައީސް ކަމުގެ ހުވާކުރެއްވުމަށް ހަމަޖެހިފައިވަނީ މިމަހުގެ 20 ވަނަ ދުވަހުއެވެ. އެހެން ކަމުން ޓްރަމްޕް މަޤާމާ ޙަވާލުވެވަޑައިގަންނަވާނީ، ޖިނާއީ ކުށެއް ސާބިތުވެފައިވާ ކުށްވެރިއެއްގެ ގޮތުގައެވެ.
އަދަބު ފަސްކުރުމަށް ޓްރަޕްގެ ފަރާތުން ހުށަހަޅުއްވާނެ ކަން ޔަޤީންވާއިރު އޭނާ ވަނީ ފަނޑިޔާރުގެ ނިންމުމަށް ފާޑުކިޔޔާފައެވެ.
މި ލިޔުން ކިޔާލުމުން
