މާލެ އަށް އަށް އިއްޔެ ކުރި ވިއްސާރައި ގައި ފެންބޮޑުވެ ހާލުގައި ޖެހުނު 36 ގެއެއްގެ 226 މީހަކަށް ވަގުތީ ބޯހިޔާވަހިކަމާއި ކެއުންބުއިމުގެ އެހީތެރިކަން ފޯރުކޮށްދޭން ފަށާފައިވާ ކަމަށް ނޭޝަނަލް ޑިޒާސްޓާ މެނޭޖުމަންޓް އޮތޯރިޓީ (އެމްޑީއެމްއޭ) އިން މިއަދު ބުނެފި އެވެ.
އިއިޔެ ގިނައިއރތަކެއްވަންދެން މާލެއަށް ވެހުނު ބޯ ވާރޭގައި ވާރޭގައި މާލޭގެ ބޮޑު ބައެއް އޮތީ ވަރަށް ބޮޑަށް ފެންބޮޑުވެފައެވެ.
ޑިޒާސްޓަރ އިން ބުނީ، ޒަރޫރީ ބޭނުންތަކަށް ހުރަސް އެޅުމާ ގުޅިގެން 53 ގެއަކުން ރިޕޯޓް ލިބުނު ކަމަށާއި އެ އިދާރާ އާއި ދިވެހި ރެޑްކްރެސެންޓާއި ފުލުހުން ގުޅިގެން އެ ތަންތަނުގެ ރެޕިޑް އެސެސްމަންޓެއް ހެދި ކަމަށެވެ. އޭގެ ތެރެއިން އާންމު ދިރިއުޅުމަށް ހުރަސް އެޅޭ ގޮތަށް ހުރި ކަން ފާހަގަކުރެވުނީ 36 ގެއެއްގައި ކަމަށް އެންޑީއެމްއޭ އިން ބުންޏެވެ. އެ 36 ގޭގެ 226 މީހަކަށް ސަރުކާރުން ވަގުތީ ބޯހިޔާވަހިކަން ފޯރުކޮށްދީ އަދި ކެއުންބުއިމުގެ އިންތިޒާމު ހަމަޖައްސައިދޭން ފަށާފައިވާ ކަމަށް އެ އިދާރާ އިން ބުންޏެވެ.
މާލޭގައި ފެންބޮޑުވެގެން އެހީތެރިކަމަށް 774 ތަނަކުން ރިޕޯޓް ކުރިއިރު އޭގެ ތެރެއިން 554 ތަނަކުން އެދުނީ ވެލިބަސްތާ ޖަހައިދޭން ކަމަށް އެމްއެންޑީއެމްއޭ އިން ބުންޏެވެ. ވެލިބަސްތާ ޖަހައި ދިނުމުގެ މަސައްކަތްކުރީ ފުލުހުންނާއި ސިފައިންނާއި ސިޓީ ކައުންސިލާއި ލޯކަލް ގަވަމެންޓް މިނިސްޓްރީ އާއި ސްކައުޓުން އަދި ސަރުކާރުގެ ބައެއް އޮފީސްތަކުންވެސް ހަރަކާތްތެރިވިއެވެ.
އެމްއެންޑީއެމްއޭގެ ރިޕޯޓަށް ބަލާއިރު މި ވިއްސާރައިގައި މިހާތަނަށް އެންމެ ބޮޑު ގެއްލުމެއްވީ ފ. ނިލަންދޫ އަދި ކ. ހިންމަފުއްޓަށެވެ. ނިލަންދޫގެ 80 ޕަސެންޓުގައި ފެން ބޮޑުވިއިރު ހިންމަފުށީގެ 60 ޕަސެންޓަށް ފެން ބޮޑުވި އެވެ. އަދި ކ. ގުރައިދޫގެ 60 ގެއަކަށް އެކި ވަރުގެ ގެއްލުންތައް ވި ކަމަށް އެންޑީއެމްއޭ އިން ބުންޏެވެ.
މި ވިއްސާރައިގައި ރ. އިނގުރައިދޫ އަދި ށ. ނަރުދު އަށް ވެސް އިއްޔެ އުދައަރައި ބޮޑެތި ގެއްލުންތަކެއް ވި އެވެ. އަދި ރޭ ބާރަޖެހުމާއި ހަމައަށްވެސް ކ. ހުރާ، ކ. ގުރައިދޫ ގައި ފެންބޮޑުވެ ސިފައިން ދިޔައީ ފެން ހިންދުމުގެ މަސައްކަތް ކުރަމުންނެވެ.
އެމް.އެން.ޑީ.އެފް އިން ބުނީ ކ.ހުރާ އަދި ކ.ގުރައިދޫ ފިޔަވައި ފެން ބޮޑުވި އެހެން ރަށްތައް އާއްމު ހާލަތަށް ގެނެވިފައިވާ ކަމަށެވެ.
މި ލިޔުން ކިޔާލުމުން
