ޑޮމެއިންގެ ސައްހަކަން ކަށަވަރުކުރުމަށް ސެޓްފިކެޓް ދޫކުރަން ފަށައިފި

ސެކިއުރިޓީ ފީޗަރ ވަރުގަދަކޮށް ޑޮމެއިންގެ ރައްކާތެރިކަން ކަށަވަރުކުރެވޭ ގޮތަށް، ޑޮމެއިން ސެޓްފިކެޓް މިއަދު ތަޢާރަފްކޮށްފިއެވެ. ޓްރާންސްޕޯޓް މިނިސްޓްރީން މިއަދު ބުނީ އަލަށް ޑޮމެއިންގެ ޚިދުމަތް ފެށުމާއެކު އެންމެ ފުރަތަމަ ޑޮމެއިން ސެޓްފިކެޓް މިއަދު ދޫކޮށްފައިވާ ކަމަށެވެ. ޓްރާންސްޕޯޓް މިނިސްޓްރީން މިއަދު ބުނީ މި ސެޓްފިކެޓަކީ ޑޮމެއިން ރަޖިސްޓްރޭޝަންގެ ޞައްޙަކަން ކަށަވަރުކުރެވޭގޮތަށް ސެކިއުރިޓީ ފީޗަރ ތަކެއް އެކުލެވިގެންވާ ލިޔުމެއްކަމަށެވެ.

One of the most complex and corrupted issues at @MoTCAmv has been resolved! We’ve implemented a secure, in-house system to better serve the public. Proud to issue the first domain certificate and registry today with enhanced safety features. A step forward for transparency and… pic.twitter.com/9kkMjHx7y4

— Mohamed Ameen (@ameen3d) December 26, 2024

މިކަމާއި ގުޅިގެން ޓްރާންޕޯޓް މިނިސްޓަރ މުޙައްމަދު އަމީން ވިދާޅުވީ މި ސެޓްފިކެޓް ދޫކުރުމާއި އެކު އެ މިނިސްޓްރީގައި ހުރި އެންމެ "ކޮރަޕްޓް" އެއް މައްސަލަ ޙައްލުވެގެން ދިޔައީ ކަމަށެވެ. ޑޮމެއިންގެ މައްސަލަތަށް ބޮޑުވެ ޑޮމެއިންގެ ޚިދުމަތް މިދިޔަ ސަރުކާރުން ފެށިގެން ވަނީ ކުރިއަށް ނުގެންގޮސް ހުއްޓާލާފައެވެ. ޓްރާންސްޕޯޓް މިނިސްޓްރީގެ އޮފިޝަލަކު "ސަބަބު" އޮންލައިން އަށް މައުލޫމާތުދެއްވަމުން ވިދާޅުވީ މިދިޔަ މަހު ޑޮމެއިން ރިޕްލޭސްމަންޓަށް ހުޅުވާލުމުން މިހާތަނަށް 600 އަށްވުރެ ގިނަ ފަރާތަކުން ޚިދުމަތަށް އެދިފައިވާކަމަށެވެ. މި ސަރުކާރު އައި ފަހުން އައު ޑޮމެއިން ދޫކުރަން ނުފަށައެވެ. މިނިސްޓްރީން ވިދާޅުވީ މިހާރު ހުރި ޑޮމެއިންގެ ރައްކާތެރިކަން ކަށަވަރުކުރުމަށްފަހު އާންމުންނަށް ޑޮމެއިން ދޫކުރުމަށް ހުޅުވާލާނީ އޯޕެން ބިޑިންގ ސިސްޓަމެއްގެ ތެރެއިން ކަމަށެވެ.