ސައުތް އޭޝިއަން ޔުނިވާސިޓީ (އެސްއޭޔޫ) ގެ 2025 ވަނަ އަހަރުގެ ޑިގްރީ ޕުރޮގުރާމުތަކުގައި ބައިވެރިވުމަށް ހުޅުވާލައިފިއެވެ.
މަތީ ތަޢުލީމާއި މަސައްކަތްތެރިކަމާއި ހުނަރުތައް ތަރައްޤީކުރުމާ ބެހޭ ވުޒާރާއިން މިއަދު ކުރި އިޢުލާނެއްގައި ބުނެފައިވަނީ އެ ޔުނިވަރސިޓީގެ ފަރާތުން ދިވެހިރާއްޖެއަށް ފުރުޞަތު ހުޅުވާލާފައިވާ ކަމަށާއިވެ. މި ޕުރޮގުރާމުތަކަށް ކެންޑިޑޭޓުން ހޮވުމުގެ ހުރިހާ މަސައްކަތެއް ކުރާނީ އެ ޔުނިވަރސިޓީގެ ފަރާތުން ކަމަށެވެ.
މިގޮތުން އެ ޔުނިވަރސިޓީން ކިޔަވައިދޭ މާސްޓަރ ޑިގްރީ އިން ޑާޓާ ސައިންސް އެންޑް އާރޓިފިޝަލް އިންޓެލިޖެންސް (2 އަހަރު ދުވަހުގެ އޮންލައިން ޕްރޮގްރާމް) އާއި ޕީ.އެޗް.ޑީ ޕްރޮގްރާމް (ޑިރެކްޓް މޯޑް) އަދި ކުރުމުއްދަތުގެ އޮންލައިން ކޯސްތަކުގައި ބައިވެރިވުމުގެ ފުރުޞަތު ވަނީ ހުޅުވާލައިފައެވެ.
އެ ޕުރޮގުރާމުތަކާ ގުޅޭ އިތުރު މަޢުލޫމާތާއި، އެޕްލިކޭޝަން ހުށަހަޅަންވީގޮތުގެ މަޢުލޫމާތު މަތީ ތަޢުލީމާބެހޭ ވުޒާރާގެ ވެބްސައިޓުންނާއި، މި ލިންކުން ލިބޭނެއެވެ. މި ފުރުޞަތުތަކަށް އޮންލައިން އެޕްލިކޭޝަން ހުށަހެޅުމުގެ ސުންގަޑިއަކީ 24 ޑިސެންބަރު 2024 ވާ އަންގާރަ ދުވަހެވެ.
މި ޕުރޮގުރާމުތަކަށް އެދޭ ފަރާތްތަކުން، ޕްރޮގްރާމް ފުރިހަމަކުރަން ފެށުމުގެ ކުރިން އެ ޕުރޮގުރާމެއް ހިންގާ ޔުނިވަރސިޓީ/ އިންސްޓިޓިއުޓަކީ މޯލްޑިވްސް ކޮލިފިކޭޝަންސް އޮތޯރިޓީ (އެމް.ކިޔު.އޭ) އިން ޤަބޫލުކުރާ މަރުކަޒެއްކަމާއި، ހޮވިފައިވާ ޕުރޮގުރާމަކީ އެމް.ކިޔު.އޭ އިން ޤަބޫލުކުރާ ޕުރޮގުރާމެއްކަން ކަށަވަރު ކުރުމަށް މަތީ ތަޢުލީމާބެހޭ ވުޒާރާއިން ވަނީ އެދިފައެވެ.
މީގެ އިތުރުން ޕްރޮފެޝަނަލް ނުވަތަ ލައިސެންސިންގ ދާއިރާތަކުގެ ޕުރޮގުރާމް ހެދުމަށް ހޮވޭ ފަރާތްތަކުން، އެ ޕުރޮގުރާމެއް ފުރިހަމަކުރަން ފެށުމުގެ ކުރިން، ކަމާބެހޭ އިދާރާއަކުން (މިސާލު: މޯލްޑިވްސް އެލައިޑް ހެލްތް ކައުންސިލް، މޯލްޑިވްސް ނަރސިންގ އެންޑް މިޑްވައިފްރީ ކައުންސިލް، މޯލްޑިވްސް މެޑިކަލް އެންޑް ޑެންޓަލް ކައުންސިލް، ސިވިލް އޭވިއޭޝަން އޮތޯރިޓީ ފަދަ ތަންތަނުން) ޤަބޫލުކުރާ މަރުކަޒެއްގައި ހިންގާ، އެ އިދާރާއަކުން ޤަބޫލުކުރާ ޕުރޮގުރާމެއްކަން ކަށަވަރު ކުރުމަށްވެސް އެ ވުޒާރާއިން ވަނީ އެދިފައެވެ.
މި ލިޔުން ކިޔާލުމުން
