ރާއްޖެ ދުށް އެންމެ ބިރުވެރި އަދި އެންމެ ނާމާން ދުވަސް ކަމަށްވާ 24 ޑިސެންބަރު 2004 ގައި ކުރިމަތިވި ސުނާމީ ކާރިސާއަށް 20 އަހަރު ފުރުން ފާހަގަކުރުމަށްޓަކައި ޚާއްޞަ މައުރަޒެއް ބާއްވަން ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީ (އެންޑީއެމްއޭ) އިން ނިންމައިފިއެވެ.
އެންޑީއެމްއޭ އިން ބުނީ ސުނާމީއަށް ފަހު ޤައުމު އަލުން ބިނާކުރުމަށް އެންމެން ގުޅިގެން ކުރި މަސައްކަތްތައް ހަނދާންކޮށް، ކާރިސާތަކަށް ވިލުންތެރި ރާއްޖެއެއް ބައްޓަންކުރަން ކުރެވޭ މަސައްކަތްތައް ދައްކުވައިދޭ މައުރަޒެއް 26 އިން 29 ޑިސެންބަރު 2024 އަށް ބޭއްވުމަށް ތައްޔާރުވަމުންދާ ކަމަށެވެ.މި މައުރަޒަށް ކިޔަނީ "ވިލުންތެރި 20" އެވެ.
"ވިލުންތެރި 20" މައުރަޒު:
ސުނާމީއަށްފަހު ޤައުމު އަލުން ބިނާކުރުމަށް އެންމެން ގުޅިގެން ކުރި މަސައްކަތްތައް ހަނދާންކޮށް، ކާރިސާތަކަށް ވިލުންތެރި ރާއްޖެއެއް ބައްޓަންކުރަން ކުރެވޭ މަސައްކަތްތައް ދައްކުވާދޭ މައުރަޒެއް 26 -29 ޑިސެންބަރުގައި ބޭއްވުމަށް މިގެންދަނީ ތައްޔާރުވަމުން. pic.twitter.com/LSwwWiZ6Fo— NDMA Maldives (@NDMAmv) December 19, 2024
މީގެ 20 އަހަރު ކުރިން އިންޑޮނީޝިއާގެ ސުމަޓްރާގެ ކަނޑުގެ 10 ކިލޯމީޓަރު އަޑިއަށް 9.3 ރެކްޓަރުގެ ބާރުމިނުގައި އެ ބިންހެލުމުގެ އަސަރު ރާއްޖެއަށް ވެސް ވަނީ ކޮށްފައެވެ. މިގޮތުން އެ ހާދިސާގައި ރާއްޖެއިން 82 މީހުން މަރުވިއިރު، 26 މީހަކު ވަނީ ގެއްލިފައެވެ. ސުނާމީ ކާރިސާއަށްފަހު ރާއްޖޭގައި ކޮންމެ އަހަރެއްގެ ޑިސެންބަރުމަހުގެ 26 ވަނަ ދުވަސް ފާހަގަކުރަނީ ޤައުމީ އެއްބައިވަންތަކަމުގެ ދުވަހުގެ ގޮތުގައެވެ.
މި ލިޔުން ކިޔާލުމުން
