ކަނޑުތައް ގަދަވާނެ ކަމަށް ލަފާކޮށް މޯލްޑިވްސް މީޓިއޮރޮލޮޖިކަލް ސަރވިސް (މެޓް) އިން ރާއްޖޭގެ އެންމެ ދެކުނުގެ ދެ ސިޓީއަށް ރީނދޫ ސަމާލު ނެރެފިއެވެ.
ފުވައްމުލަކު ސިޓީއާއި، އައްޑޫ ސިޓީއަށް ރީނދޫ ސަމާލު ނެރެފައިވަނީ މިއަދު 15:00 އިން މިރޭ 19:00 އަށެވެ.
އެ ދެ ސިޓީއަށް ގަޑިއަކު 25 މޭލާއި 30 މޭލާ ދެމެދުގެ ބާރުމިނުގައި ވައިޖެހި ކަނޑުތައް ވަރަށް ގަދަވާނެ ކަމަށް ވަނީ ލަފާކޮށްފައެވެ.
މެޓް އޮފީހުން ވަނީ ރާއްޖޭގެ އެކި ހިސާބަށް މިއަދު ވިއްސާރަކުރާނެ ކަމަށް ލަފާކޮށްފައެވެ.
މީގެއިތުރުން އުތުރުގެ އަތޮޅުގެ ކަނޑުތައް ގަދަވާނެ ކަމަށާއި، އެހެން ހިސާބުތަކުގެ ކަނޑުތައް ގަދަވާނެ ކަމަށާއި، ވިލާގަނޑުގައި ކަނޑުތައް ގަދަވާނެ ކަމަށް ވެސް ލަފާކޮށްފައެވެ.
އެ އިދާރާއިން މައުލޫމާތު ދީފައިވާ ގޮތުގައި މާދަމާ ވެސް ރާއްޖޭގެ ހުރިހާ ސަރަހައްދެއްގެ މޫސުން ގޯސްވާނެ ކަމަށް ލަފާކުރެވެއެވެ.
