މިއަދު ހެނދުނު ހިނގި އަލިފާނުގެ ހާދިސާގެ ސަބަބުން މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވުޒާރާގެ ޚިދުމަތްތައްވެސް މެދުކެނޑިއްޖެއެވެ.
އެ ވުޒާރާއިން ނެރުނު ނޫސްބަޔާނެއްގައި ބުނެފައިވަނީ މިއަދު ހެނދުނު ހިނގައިދިޔަ އަލިފާނުގެ ހާދިސާތަކުގައި ގެއްލުންވި ތިން ވުޒާރާ ވަނީ އެތަންތަނުގައި ހުރި ތަކެއްޗާއެކު އަނދައިގެން ގޮސްފައި ކަމަށާއި، މި ހާދިސާގައި އެ ވުޒާރާގެ އެއްވެސް މުވައްޒަފަކަށް ގެއްލުން ލިބިފައި ނުވާ ކަމަށެވެ. އަދި، އަލިފާނުގެ ހާދިސާގެ ސަބަބުން އެ ވުޒާރާއިން ދެމުންގެންދާ ޚިދުމަތްތައް މި ވަގުތަށް މެދުކެނޑިފައިވީ ނަމަވެސް، އެ ޚިދުމަތްތައް ދެވޭނެ އަވަސް ހައްލެއް ހޯދުމަށް މަސައްކަތް ކުރަމުންދާ ކަމަށައި، އެ ކަންކަން އިންތިޒާމު ކުރެވުނުހާ އަވަހަށް އާންމުކޮށް އަންގާނެ ކަމަށްވެސް ބަޔާނުގައި ބުނެފައިވެއެވެ.
މީގެ އިތުރުން، އެ ހާދިސާއާ ގުޅިގެން ސަރުކާރުގެ މުއައްސަސާތަކުންނާއި އަމިއްލަ ފަރާތްތަކުން ދެއްވާ އެހީތެރިކަމާއި އެއްބާރުލުން ފާހަގަކޮށް ޝުކުރު ދަންނަވާ ކަމަށާއި، އެ ވުޒާރާއިން ދެމުންދާ ޚިދުމަތްތައް މެދުކެނޑިގެން ދިމާވެފައިވާ ދަތިތަކަށް މަޢާފަށް އެދޭ ކަމަށްވެސް އެ ބަޔާނުގައި އެ ވުޒާރާއިން ބުނެފައިވެއެވެ.
މި ލިޔުން ކިޔާލުމުން
