ބަޣާވާތްތަކާއި އަނީވެރިކަމަށް ބާރުއެޅުމަކީ ދިމިޤްރާތީ މުޖުތަމަޢެއްގައި ޖާގަ އޮތް ކަމެއް ނޫން ކަމުގައި މޫސުމީ ބަދަލުތަކާއި ތިމާވެށްޓާއި ހަކަތައާ ބެހޭ ވަޒީރު، ޠާރިޤް އިބްރާހީމް ވިދާޅުވެއްޖެއެވެ.
ޠާރިޤް މިހެން ވިދާޅުވީ އެމްޑީޕީއިން އިއްޔެ ބޭއްވި ނޫސްވެރިންގެ ބައްދަލުވުމެއްގައި އެ ޕާޓީގެ ޗެއަރޕަރސަން، ފައްޔާޒު އިސްމާޢީލް ދެއްކެވި ވާހަކަފުޅާ ގުޅިގެން އެކްސްގައި ކުރެއްވި ޕޯސްޓެއްގައެވެ.
އެ ޕޯސްޓުގައި ޠާރިޤް ވިދާޅުވެފައިވަނީ ރައީސް މުޙައްމަދު އަމީންގެ ވެރިކަން ވައްޓާލައި މަރާލި ހާދިސާއަކީ ދިވެހިރާއްޖޭގެ މާޒީގެ އެންމެ އަނދިރި އެއް ދަނޑިވަޅު ކަމަށެވެ. އެ ހާދިސާ ރަނގަޅަށް ތަޙުޤީޤު ނުކޮށް، އަދުގެ ސިޔާސީ ލީޑަރަކަށް ކުރީގެ ސިޔާސީ ވެރިއެއްގެ މިސާލެއް ނުނެގޭނެ ކަމަށެވެ.
އަދި، އެއްވެސް މިންގަނޑަކުން ބަލާއިރު، ހަމަ އެ އަނިޔާވެރިކަން އަލުން ތަކުރާރު ކުރުމަށް ގޮވާލުމަކީ ބަލައިގަނެވޭނެ ކަމެއް ނޫން ކަމުގައި ޠާރިޤް ވިދާޅުވިއެވެ.
Coups and incitement of violence have no place in a democratic society. The overthrow and the blatant murder of President Mohamed Amin is one of the darkest moments in the country’s past. A politician today cannot take example of a former leader or make judgements of the hour… pic.twitter.com/mQRlO4p5OQ
— Thoriq Ibrahim (@Thoriqibrahim) December 9, 2024
މީގެ އިތުރުން، އެމް.ޑީ.ޕީ އާއި އެ ޕާޓީގެ ލީޑާޝިޕުން މިފަދަ ޢަމަލަކަށް ތަރުހީބުދީ ހިތްވަރުދޭތަން ފެނުމަކީ ވަރަށް ބޮޑަށް މާޔޫސްވެވަޑައިގަންނަވާ ކަމެއް ކަމަށާއި، މިއީ ޒިންމާދާރު އިދިކޮޅު ފަރާތްތަކުން ޢަމަލުކުރާ ގޮތެއް ނޫން ކަމަށެވެ.
މި ލިޔުން ކިޔާލުމުން
