ސިރީއާގެ ބިމުއަޑީގައި ހުރި ނުރައްކާތެރި ސިއްރު ޖަލެއްގައި ބަންދުކޮށްފައި ތިބި މީހުން ސަލާމަތް ކުރުމުގެ މަސައްކަތް ސިރިއާގެ ސިވިލް ޑިފެންސް ޓީމުތަކުން ފަށައިފިއެވެ.
ސީރިއާގެ ވެރިރަށް ދިމިޝްގު ކައިރީގައިވާ ސެޑްނާޔާ ނަމަކަށް ކިޔާ މި ޖަލުގައި ބަންދުކޮށްފައި ތިބި އެތައް ހާސް މީހުންގެ ތެރޭގައި އަންހެނުންނާއި ކުޑަކުދިން ވެސް ހިމެނެއެވެ.
އަސަދު ޢާއިލާގެ އެތައް އަހަރެއްވީ އަނިޔާވެރި ވެރިކަން ނިމުމާއި ގުޅގެން ހިނގަމުންދާ މި އޮޕަރޭޝަންގައި ސިޔާސީ ސަބަބުތަކަށްޓަކައި ޖަލަށްލާފައި ތިބި މީހުން ވެސް ވަނީ ޖަލުތަކުން ދޫ ކުރަން ފަށާފައެވެ.
މި ޖަލަކީ އެމްނެސްޓީ އިންޓަރނޭޝަނަލްއިން "އިންސާނުން ކަތިލާ ގެ" ނަމުން ނަންދީފައިވާ ޖަލެކެވެ. މީހުން ދޫކުރުމަށް ޖަލުގެ ދޮރުތައް ހުޅުވާލެވުމާއި އެކު އަންހެނުންނާއި ކުޑަކުދިންގެ ހަޅޭކުގެ އަޑު އިވިގެން ދިޔައެވެ.
ސިރިއަން އޮބްޒަވޭޓަރީ ފޯ ހިއުމަން ރައިޓްސްގެ ފައުންޑާރ، ރާމީ އަބްދުއްރަޙްމާން ވިދާޅުވި ގޮތުގައި މިހާތަނަށް ސީރިޔާގެ ޖަލުތަކުން ދޫކޮށްލެވުނު މީހުންގެ އަދަދު ދިހަހާހަށް އަރައެވެ.
ބިމުއަޑީގެ ހަދާފައިވާ ސިއްރު ގިނަގޮޅިތަކަށް އަދިވެސް ޓީމްތަކަށް ވަދެވިފައި ނުވާތީ، އެ ޖަލުގައި އަދިވެސް މީހުންތިބުމަކީ އެކަށީގެންވާ ކަމެއް ކަމަށް ބެލެވެއެވެ.
މި ލިޔުން ކިޔާލުމުން
