(ކ. އއ. އދ. ވ. އަތޮޅު) ގައި ހިމެނޭ ރަށެއްގައި، 18 އަހަރު ނުފުރޭ ފިރިހެން ކުއްޖަކު 4 އަހަރުގެ އަންހެން ކުއްޖަކަށް ޖިންސީ ގޯނާ ކުރި މައްސަލައެއް ފެންމަތިވެއްޖެއެވެ.
ފުލުހުން ވިދާޅުވީ، އެ ކުއްޖާއަށް ޖިންސީ ގޯނާ ކުރި ކަމަށް ތުހުމަތު ކުރެވޭ މައްސަލައެއް މި މަހުގެ 21 ވަނަ ދުވަހު ރިޕޯޓްކޮށްފައިވާ ކަމަށެވެ.
ފުލުހުން ބުނެފައި ވަނީ މި މައްސަލަ އަކީ ކުޑަ ކުއްޖަކާއި ގުޅުންހުރި ސީރިއަސް މައްސަލައަކަށް ވާތީ އެކުއްޖާގެ އައިޑެންޓިޓީ ރައްކާތެރި ކުރުމުގެ ގޮތުން އެ ކުއްޖާގެ އަތޮޅާއި ރަށް ހާމަ ނުކުރާނެ ކަމަށެވެ.
މި މައްސަލައިގެ އިތުރު ތަފްސީލެއް އަދި ފުލުހުން ނުދެއެވެ.
މި މައްސަލަ ފުލުހުން ގެންދަނީ ތަހުގީގު ކުރަމުންނެވެ.
