ފުލުހުން ތަހުގީގު ކުރަމުންދާ މައްސަލައެއްގެ ތަހުގީގަށް މީހަކު ހޯދުމަށް އިއުލާން ކޮށްފިއެވެ.
މި މައްސަލައާ ގުޅިގެން ހޯދަމުންދަނީ އިބްރާހީމް މުޖްތަބާ، އެވަރގްރީން / ބ. ތުޅާދޫ (45އ)
ފުލުހުން މިއަދު އެކްސްގައި ކުރި ޕޯސްޓެއްގައި ބުނީ އިބްރާހީމް މުޖްތަބާ ހޯދަން އިއުލާން ކުރީ، ނ. ވެލިދޫ ޕޮލިސް ސްޓޭޝަނުން ތަހުގީގު ކުރަމުންދާ މުދަލަށް ގެންލުންދީ، މާރާމާރީ ހިންގިކަމަށް ތުހުމަތުކުރެވޭ މައްސަލައެއްގެ ތަހުގީގަށް މީހަކު ހާޒިރުކުރުމަށް ބޭނުންވެ، އުޅޭ ވަކިތަނެއް ނޭނގުމުގެ ސަބަބުން ތަހުގީގަށް ހާޒިރުވުމަށް ޗިޓު ރައްދުކުރެވިފައި ނުވާތީ، ޖިނާއީ މައްސަލަތައް ތަހުގީގުކުރުމުގައި ފުލުހުން އަމަލުކުރާނެ އިޖުރާއަތުގެ ގަވާއިދުގެ 27 ވަނަ މާއްދާގައިވާ ގޮތުގެމަތިން ތަހުގީގަށް ހާޒިރުވުމަށް އަންގައި އިއުލާނު ކުރުމަށެވެ.
ފުލުހުން ބުނެފައިވަނީ މި މީހާ ތަހުގީގަށް ހާޒިރުކުރަނީ މައްސަލައިގެ ތުހުމަތުގައި ސުވާލު ކުރުމަށް ކަމަށެވެ.
ސާޖަންޓް އާދަމް ޙަލީމް ކްރިމިނަލް އިންވެސްޓިގޭޝަން ބިލްޑިންގއަށް، 2024 ޑިސެމްބަރު 1 ވަނަ .ދުވަހުގެ 10:00 އަށް ހާޒިރު ވުމަށް ފުލުހުން ވަނީ އެ މީހާއަށް އަންގާފަ އެވެ.
