ގްރޭޓާ މާލެ ސަރަހައްދުގައި ކުރިއަށް އޮތްތަނުގައި ބޯހިޔާވަހިކަން ތަރައްގީ ކުރުމަށް އެހީތެރިވުމަށް ހިންގާ ބޮޑު ބިން ހިއްކުމުގެ މަޝްރޫއު ކަމަށްވާ ރަސްމާލޭގެ މާސްޓާ ޕްލޭން ތައްޔާރު ކުރުމަށް ކޮންސަލްޓެންސީ ހިދުމަތްތަކަށް ސަރުކާރުން ބިޑް ހުޅުވާލައިފި އެވެ.
މިނިސްޓްރީ އޮފް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާ އިން މިއަދު އިއުލާން ކުރި ގޮތުގައި މި ކޮންސަލްޓެންސީ ކޮންޓްރެކްޓަށް ޝައުގުވެރިވާ ފަރާތްތަކަށް މިހާރު ޕްރޮޕޯސަލް ހުށަހެޅޭނެ އެވެ.
މިނިސްޓްރީން ބުނި ގޮތުގައި ޕްރީބިޑް ބައްދަލުވުމެއް ނޯންނާނެއެވެ. ބީލަމުގެ ލިޔެކިޔުންތަކާ ގުޅޭގޮތުން މައުލޫމާތު ހޯދަން ބޭނުންވާ ފަރާތްތަކުން އާދީއްތަ ދުވަހުގެ މެންދުރު 2:00 ގެ ކުރިން އީމެއިލް މެދުވެރިކޮށް ސުވާލު ހުށަހެޅުމަށް މިނިސްޓްރީން އެދިފައިވެ އެވެ.
އަންދާސީހިސާބު ތައްޔާރުކުރަންވާނީ އަންދާސީހިސާބު ނޯޓިސްއާއެކު ނެރެފައިވާ ޓާމްސް އޮފް ރިފަރެންސްއާ އެއްގޮތަށް ކަމަށާއި 13 ޖުލައިގެ ހެނދުނު 10:00 ގެ ކުރިން މިނިސްޓްރީއަށް ހުށަހަޅަންވާނެއެވެ.
މި ބީލަމުގައި ބައިވެރިވެވޭނީ ކުންފުނިތަކުގެ ގާނޫނުގެ ދަށުން ރަޖިސްޓްރީކޮށްފައިވާ ކުންފުނިތަކާއި ކޯޕަރޭޓިވް ސޮސައިޓީތަކުގެ ގާނޫނުގެ ދަށުން ރަޖިސްޓްރީކޮށްފައިވާ ކޯޕަރޭޓިވްތަކާއި އަމިއްލަ ވިޔަފާރިތަކާ ބެހޭ ކަމާބެހޭ ގާނޫނުގެ ދަށުން ރަޖިސްޓްރީކޮށްފައިވާ ސޯލް ޕްރޮޕްރައިޓަރތަކަށެވެ.
ބީލަން ހުށަހަޅަންވާނީ ރުފިޔާ ކަމަށާއި އެއާއެކު ބިޑް ސެކިއުރިޓީގެ ގޮތުގައި 250،000 ރުފިޔާ ހުށަހަޅަން ޖެހޭނެ ކަމަށް އިއުލާނުގައިވެއެވެ.
500،000 ރުފިޔާއަށް ވުރެ ބޮޑު އަގެއް ހުރި ކޮންޓްރެކްޓްތަކަށް، ބިޑް ކާމިޔާބު ކުރާ ފަރާތުން ގަބޫލުކުރާ ބޭންކަކުން ދޫކުރާ ޕާފޯމަންސް ގެރެންޓީއެއް ވެސް ދޭން ޖެހޭނެއެވެ.
އެއް އަހަރަށް ވުރެ މަދު މުއްދަތަކަށް ހިންގާ ވިޔަފާރިތަކުން އެންމެ ކުޑަމިނުން 100،000 ރުފިޔާގެ ބެލެންސް ދައްކާ ބޭންކް ސްޓޭޓްމަންޓެއް ހުށަހަޅަން ޖެހެއެވެ. ބީލަން ހުށަހަޅާ އެހެން ފަރާތްތަކުން ވޭތުވެދިޔަ ތިން އަހަރު ކަވަރުކުރާ އޮޑިޓްކޮށްފައިވާ މާލީ ބަޔާން ހުށަހަޅަން ޖެހެއެވެ.
ރަސްމާލެ ފުޅާ ދާއިރާއެއްގައި ތަރައްގީ ކުރުމުގެ ތެރެއިން ރަސްމާލޭގެ ޓްރާންސްޕޯޓް މާސްޓަ ޕްލޭނަކަށް ކޮންސަލްޓެންސީ ހިދުމަތް ހޯދުމަށް ޑިސެމްބަރު މަހު ސަރުކާރުން ވަނީ ކުރިން އިއުލާންކޮށްފައެވެ.