އެންމެ ކުދި، ކުދި އަދި މެދު ފަންތީގެ ވިޔަފާރިތަކަށް ދުވަހުން ދުވަހަށް ބޭނުންވާ މާލީ އެހީތެރިކަން ފޯރުކޮށްދިނުމުގެ މަޤުޞަދުގައި ދޫކުރުމަށް ހަމަޖެހިފައިވާ "ވިޔަފާރި އެހީ" ލޯނަށް އެދި އަންނަ އާދީއްތަ ދުވަހު ހުޅުވާލާނެ ކަމަށް އެސްއެމްއީ ޑިވެލޮޕްމަންޓް ފައިނޭންސް ކޯޕަރޭޝަން (އެސްޑީއެފްސީ) އިން ބުނެފިއެވެ.
މި ލޯނު މުދާ ގަތުމަށާއި ދުވަހުން ދުވަހަށް ބޭނުންވާ ވިޔަފާރީގެ ޚަރަދުތައް ކުރުމަށް އަދި ހިންގަމުންދާ ވިޔަފާރިއާއި ގުޅުންހުރި ދާއިރާގެ ތެރެއިން މެޝިނަރީ އާއި އިކުއިޕްމަންޓް ގަތުމަށް ބޭނުންކުރެވޭނެއެވެ.
Viyafaari Ehee loan product will be open for applications on 16th march 2025. This product is designed for trade finance (inventory purchase and short term working capital) and for the purchase of equipment and machinery for business operations. pic.twitter.com/riU4ekz1OS
— SME Development Finance Corporation (@SDFC_mv) March 9, 2025
އިންޓްރަސްޓްގެ ގޮތުގައި އަހަރަކު %9.5 ދައްކަންޖެހޭ މި ލޯނު ދޫކުރުމަށް ހަމަޖެހިފައިވަނީ 1.5 މިލިއަން ރުފިޔާއާ ހަމައަށެވެ. މި ލޯނު އަނބުރާ ދެއްކުމަށް ގިނަވެގެން ފަސް އަހަރު ދިނުމަށް ހަމަޖެހިފައިވާއިރު، މީގެ ތެރޭގައި ގްރޭސް މުއްދަތުގެ ގޮތުގައި ގިނަވެގެން ހަ މަސްދުވަސް ހިމެނޭނެއެވެ.
މި ލޯނަށް ހުށަހެޅޭ ރަހުނަކީ އެސްޑީއެފްސީން ގަބޫލުކުރާ އަދި ލޯނާއި އެކަށޭނެ ރަހުނަކަށް ވާންވާނެ ކަމަށާއި، ރަހުނު ހުށަހަޅަންޖެހޭނީ މަޝްރޫޢުގެ ރިސްކަށް ބެލުމަށްފަހުގައާއި 700،000ރ. އަށް ވުރެ އެކްސްޕޯޝަރ އިތުރުވާ ފެސިލިޓީތަކަށް ކަމުގައި އެ ކޯޕަރޭޝަނުން ހާމަކުރެއެވެ.
މި ލޯނާ ބެހޭ އިތުރު މަޢުލޫމާތު އެސްޑީއެފްސީގެ ވެބްސައިޓުން ލިބެން ހުންނާނެއެވެ.
މި ލިޔުން ކިޔާލުމުން
