ހަމާސް ޖަމާއަތުގެ ލީޑަރު ޔަހްޔާ ސިންވާރު މިދިޔަ ހަފުތާގައި އަވަހާރަކޮށްލުމަކީ "ޣައްޒާގައި ހަނގުރާމަ ހުއްޓާލުމަށް ކުރާ މަޝްވަރާގެ އާ މަރުހަލާއެއް ފަށަން ލިބުނު ފުރުސަތެއްގެ ގޮތުގައި ބަލަން ޖެހޭ ކަމަށް ފްރާންސްގެ ރައީސް އެމަނުއެލް މެކްރޮން އިސްރާއީލުގެ ބޮޑުވަޒީރު ބެންޖަމިން ނަތަންޔާހޫއާ ވާހަކަދައްކަވަމުން ވިދާޅުވެއްޖެއެވެ.
މެކްރޮން ވަނީ ލުބުނާނަށް އިޒްރޭލުން ހަމަލާދޭއިރު އާންމުން ދިރިއުޅޭ ސަރަހައްދު ތަކަށާއި އިމާރާތްތަކަށް ހަމަލަ ނުދިނުމަށް ނަތަންޔާހޫގެ ކިބައިން އެދިވަޑައިގެންފައެވެ. މީގެއިތުރުން ލުބުނާނުގައި ހުންނަ އދ.ގެ ސުލްހަ ބަލަހައްޓާ މިޝަން ކަމަށްވާ ޔުނިފިލްއަށް އިސްރާއީލުން ދިން ހަމަލާތައް ވެސް އޭނާ ކުށްވެރި ކުރެއްވި ކަމަށް އަނަޑޯލޫ އެޖެންސީން ރިޕޯޓުކޮށްފައިވެއެވެ.
މެކްރޮން ވިދާޅުވީ ސިންވާރު އަވަހާރަވުމަކީ ޣައްޒާގައި ހަނގުރާމަ ހުއްޓާލުމަށް އާ މަޝްވަރާތައް ފެށުމަށް ލިބޭ ފުރުސަތަކަށް ވާންޖެހޭނެ ކަމަށެވެ.
ސެޕްޓެމްބަރު މަހުގެ 23 ވަނަ ދުވަހުން ފެށިގެން އިސްރާއީލުން ވަނީ ހިޒްބުاللهގެ މަރުކަޒުތައް ކަމަށް ބުނާ ތަންތަނަށް އަމާޒުކޮށް ލުބްނާނަށް ވައިގެ މަގުން ގިނަ ހަމަލާތަކެއް ދީފައެވެ.
ލުބުނާނުގެ ސިއްހަތާ ބެހޭ އިދާރާތަކުން ބުނީ މިދިޔަ އަހަރުން ފެށިގެން އިޒްރޭލުން ދިން ހަމަލާތަކުގައި ގާތްގަނޑަކަށް 2،500 މީހުން މަރުވެ 11،500 އަށް ވުރެ ގިނަ މީހުން ޒަޚަމްވެފައިވާ ކަމަށެވެ. އޮކްޓޯބަރު މަހުގެ އެއްވަނަ ދުވަހު އިޒްރޭލުން ލުބުނާނުގެ ދެކުނުގެ ސަރަހައްދަކަށް ހަމަލަ ދިނުމުން މައްސަލަ ވަނީ އިތުރަށް ހޫނުވެފައެވެ.
މި ލިޔުން ކިޔާލުމުން
