އިންޑިއާގެ ދެކުނު ސަރަހައްދާ ދިމާލަށް މިހާރު ދަތުުރުކުރަމުންދާ ބޭ އޮފް ބެންގާލްގައި އުފެދުނު ތޫފާން "ދީތުވާ" ގެ ސަބުން ރާއްޖޭގެ މެދުތެރެެ އާއި ދެކުނުގެ އަތޮޅުތަކަށް ގުގުރުމާ އެކު ވިއްސާރަކުރާނެ ކަމަށް މޯލްޑިވްސް މީޓިރިއޮލޮޖީ ސާވިސް (މެޓް އޮފީހުން) މިއަދު ބުނެފި އެވެ
މެޓުން ލަފާކޮށްފައި ވަނީ މެދުރާއްޖެތެރެއިން ފެށިގެން އައްޑުއާ ހަމައަށް މޫސުން ގޯސްވާނެ ކަމަށެވެ.
Advertisement
މެޓުއޮފީހުން ބުނެފައިވާގޮތުން ތޫފާން މިހާރު ހުރީ ރާއްޖޭގެ އެންމެ އުތުރުން އޮންނަ ތުރާކުނުގެ އިރު އުތުރުން ގާތްގަނޑަކަށް 876 ކިލޯމީޓަރު ދުރުން، ސްރީ ލަންކާގެ އައްސޭރިފަށުގައި ކަމަށެވެ.
ތޫފާން މިހާރު ދަތުރުކުރަމުން ދަނީ އިންޑިއާގެ ޓެމިލްނާޑޫ އާއި ޕޫޑްޗެރީ އާއި އަންދުރަޕްރަދޭޝްގެ އައްސޭރިފަށާ ދިމާލަށް ކަމަށް ވެސް އެ މެޓު އޮފީހުން އެކްސްގައި ބުެނފައިވެއެވެ.
