މިއަހަރުގެ ބޮޑުބެރު ޗެލެންޖުގައި ހަ ޓީމަކާ ވާދަކޮށްގެން ބޮޑުބެރު ގްރޫޕް "1438" އެއްވަނަ ހޯދައިފިއެވެ. މި މުބާރާތް ކުރިއަށް ގެންދިޔައީ އިކޮނޮމިކް މިނިސްޓްރީގެ އިސްނެގުމާއެކު ބިޒްނަސް ސެންޓަރ ކޯޕަރޭޝަން (ބީސީސީ) އާއި ޕަބްލިކް ސަރވިސް މީޑިއާ (ޕީއެސްއެމް) ގުޅިގެންނެވެ.
މި މުބާރާތް ކުރިއަށް ދިޔައީ މި މަހުގެ 24 ވަނަ ދުވަހުން 28 ވަނަ ދުވަހުގެ ނިޔަލަށެވެ. މިއީ އަހަރުތަކަކަށްފަހު ބޭއްވުނު ދިވެހިންގެ އުފެއްދުންތެރިކަމުގެ މައުރަޒާ ގުޅިގެން ބޭއްވުނު އިވެންޓެކެވެ.
މުބާރާތުގެ ފައިނަލްގައި ވާދަކުރި ތިން ޓީމުގެ ތެރެއިން ދެވަނަ ހޯދީ "ހޭވައްލާ" އިންނެވެ. އަދި ތިންވަނައަށް ދިޔައީ "ރިދަމް ބޮޑުބެރު ގްރޫޕް" އެވެ. ކޮންމެ ޓީމަކުންވެސް ފައިނަލްގައި ތިން ލަވަ ހުށަހެޅިއެވެ.
މުބާރާތުގެ އެއްވަނަ ޓީމަށް 75,000 ރުފިޔާގެ ފައިސާގެ އިނާމު ލިބުނެވެ. ދެވަނަ ޓީމަށް 50,000 ރުފިޔާ އަދި ތިންވަނަ ޓީމަށް 25,000 ރުފިޔާ ލިބުނެވެ. މީގެ އިތުރުން، ބެލުންތެރިން އެންމެ މަޤުބޫލު ބޮޑުބެރު ޓީމެއްގެ ގޮތުގައި ހޮވުނު "ރިދަމް ގްރޫޕް" އަށް 25,000 ރުފިޔާގެ އިނާމެއް ދެވުނެވެ. އިނާމު ހާސިލުކުރި ހުރިހާ ޓީމަކަށް ޓްރޮފީ ހަވާލުކުރެވުނެވެ.
މި މުބާރާތުގައި އެންމެ މޮޅު ބޮޑުބެރު ގްރޫޕުގެ އިތުރުން، އެންމެ މޮޅު ބެރުވެރިޔާ، ނަގާކިޔުންތެރިޔާ، ޒުވާބު އަދި ނެށުންތެރިޔާގެ ވަކިވަކި ދާއިރާތަކުން ވެސް އިނާމު ދެވުނެވެ.
ބީސީސީން މި މުބާރާތް ބޭއްވުމުގެ މަޤްޞަދަކީ ދިވެހިރާއްޖޭގެ ތާރީޚާއި ސަގާފަތުގެ މުއްސަނދިކަން ދައްކުވައިދީ، ބޮޑުބެރުގެ ދާއިރާއަށް އައު ޓެލެންޓް ނެރުމެވެ. މުބާރާތުގައި ބައިވެރިވި ޓީމުތަކުން ކާސިމަޖާ، ބަބުރު، ޒަމާނީ ލަވަ އަދި ތިންބެރުގެ ލަވަތައް ފަދަ ދިވެހި ސަގާފީ ބޮޑުބެރުގެ މުހިންމު ބައިތައް ހުށަހަޅައިދިނެވެ.
މި ލިޔުން ކިޔާލުމުން
