އަންނަ މެއި މަހު 15 ވަނަ ދުވަހުން ފެށިގެން ޤައުމީ އެއަރލައިން މޯލްޑިވިއަނުން ހަނިމާދޫއާއި ބެންގަލޫރާ ދެމެދު ދަތުރުތައް ފަށަން ނިންމައިފިއެވެ.
މި ދަތުރުތަކުގެ ސަބަބުން ރާއްޖޭގެ އުތުރު އަތޮޅުތަކުން އިންޑިއާއަށް ދަތުރުކުރަން ބޭނުންވާ ބޭފުޅުންނަށް ވަރަށް ބޮޑު ފަސޭހައެއް ލިބިގެންދާނެކަމަށާއި އަދި އިންޑިއާއިން ވެސް ރާއްޖެއަށް ފަތުރުވެރިން އައުމަށް މި ދަތުރުތަކުގެ ސަބަބުން އެހީތެރިވެދޭނެކަމަށް އެ މޯލްޑިވިއަނުން ބުނެއެވެ.
✈️ Maldivian Expands Connectivity! 🇲🇻➡️🇮🇳
We are excited to launch new flights between Hanimaadhoo and Bangalore starting May 15, 2025! With two weekly flights (Sundays & Thursdays), this route offers more travel options for travellers.
Bookings open from March 16, 2025 - plan… pic.twitter.com/kIPaiZ5qp6— MaldivianAero (@MaldivianAero) March 15, 2025
މި މަހުގެ 16 ވަނަ ދުވަހުން ފެށިގެން މި ދަތުރުތަކަށް ޓިކެޓް ބުކް ކުރެވޭނެއެވެ. މޯލްޑިވިއަނުން ހަނިމާދުއާއި ބެންގަލޫރާ ދެމެދު ހަފްތާއަކު ދެ ދަތުރު ކުރަން ނިންމައިފައިވާއިރު މި ދަތުރުތައް ކުރުމަށް ހަމަޖެހިފައިވަނީ ކޮންމެ ހަފްތާއެއްގެ އާދިއްތަ އަދި ބުރާސްފަތި ދުވަހުއެވެ.
މިހާރުވެސް ހަނިމާދޫއިން ޓްރިވެންޑްރަމަށް މޯލްޑިވިއަނުން ދަތުރުކުރެއެވެ.
މޯލްޑިވިއަންގެ ދަތުރުތައް ފުޅާކޮށް، ވީހާ ވެސް ގިނަ ބައިނަލްއަޤްވާމީ މަންޒިލްތަކަށް ދަތުރުކުރުމަކީ މި ސަރުކާރުގެ ބޮޑު އަމާޒެކެވެ.
މިއަހަރުގެ ޖެނުއަރީ މަހުގެ 6 ވަނަ ދުވަހު ވަނީ ވައިޑް-ބޮޑީ އެއާރކްރާފްޓް ރާއްޖެ ގެނެސްފައެވެ. އެ ބޯޓުން އިތުރު މަންޒލްތަކަށް މިހާރު މޯލްޑިވިއަން ވަނީ ދަތުރުތައް ފަށާފައެވެ.
މި ލިޔުން ކިޔާލުމުން
