އައްޑޫ ސިޓީ ގަމަށް މޯލްޑިވިއަންގެ އިތުރު ފްލައިޓެއް މި އަންނަ ހޮނިހިރު ދުވަހު އޮންނާނެ ކަމަށް އެ އެއާލައިނުން ބުނެފިއެވެ.
މޯލްޑިވިއަނުން ބުނީ 4 ޖަނަވަރީ 2025 ވާ ހޮނިހިރު ދުވަހު މޯލްޑިވިއަންގެ އިތުރު ފްލައިޓެއް އައްޑޫ ސިޓީ ގަމަށް އޮންނާނެ ކަމަށެވެ. މިގޮތުން މާލެ-ގަން ފްލައިޓު ވެލާނާ އިންޓަރނޭޝަނަލް އެއާޕޯޓުން ފުރުމަށް ތާވަލުކޮށްފައިވަނީ 01:15 ގައެވެ. އަދި ގަން-މާލެ ފްލައިޓު ގަން އިންޓަރނޭޝަނަލް އެއާޕޯޓުން ފުރާނީ 03:20 ގައެވެ.
Additional flight to GAN on January 4th, 2025! Book your seats today. ✈️ #MaldivianAero pic.twitter.com/fwl0L0cRb6
— MaldivianAero (@MaldivianAero) January 2, 2025
ކޮންމެ އަހަރެއްގެވެސް ސްކޫލް ޗުއްޓީ އާއި އައު އަހަރާ ދިމާކޮށް ގިނަ ފަރާތްތަކަކުން އައްޑޫ ސިޓީއާ މާލެއާ ދެމެދު ދަތުރުކުރެއެވެ. މިގޮތުން މި އަހަރުވެސް ޗުއްޓީ ދުވަސްވަރާ ދިމާކޮށް މޯލްޑިވިއަނުން އައްޑޫ ސިޓީއަށް ބާއްވާ ފްލައިޓުތައް ފުރި، ޖާގަ ނުލިބުމުގެ ޝަކުވާތައް ގިނަ ފަރާތްތަކަކުން ވަނީ ކޮށްފައެވެ. އެހެންކަމުން ޗުއްޓީގެ އެންމެ ފަހު ދުވަސް ކަމަށްވާ އަންނަ ހޮނިހިރު ދުވަހު މޯލްޑިވިއަނުން ބާއްވާ މި އިތުރު ފްލައިޓުގެ ސަބަބުން އައްޑޫ އާއި މާލޭއާ ދެމެދު ދަތުރުކުރާ ފަރާތްތަކަށް ލުއިފަސޭހަކަން ލިބިގެންދާނެއެވެ.
މި ލިޔުން ކިޔާލުމުން
