ޤައުމީ އެއާލައިން، މޯލްޑިވިއަނުން ކާގޯ ޚިދުމަތްތައް ފޯރުކޮށްދޭ ގަޑިތަކަށް ބަދަލު ގެނެސްފިއެވެ.
މިގޮތުން އައިލެންޑް އޭވިއޭޝަން ސަރވިސަސް ލިމިޓެޑް (އައިއޭއެސްއެލް) އިން މިއަދު އިޢުލާންކުރި ގޮތުގައި، މޯލްޑިވިއަންގެ ކާގޯ އޮފީސް ހުޅުވާފައި ހުންނަ ގަޑިތަކަށް ވަނީ ބަދަލު ގެނެސްފައެވެ.
📢 Important Update: Cargo Office Hours 🚛
Please note the updated operating hours for our cargo offices. pic.twitter.com/1FQM25Bmqs— IASLaero (@IASLaero) January 1, 2025
އެގޮތުން މިއަދުން ފެށިގެން މޯލްޑިވިއަން މާލޭ ކާގޯ އޮފީހުން ކާގޯ ބަލައިގަތުމާއި ފޯރުކޮށްދިނުމުގެ ޚިދުމަތް ހޮނިހިރު ދުވަހާއި ހުކުރު ދުވަހާ ދެމެދު، ކޮންމެ ދުވަހެއްގެ 08:30 އިން 18:00 އަށް ލިބޭނެއެވެ.
މީގެ އިތުރުން، ކާގޯ އެއާޕޯޓު އޮފީސްގެ ޚިދުމަތް ލިބޭނީ ހޮނިހިރު ދުވަހާއި ހުކުރު ދުވަހާ ދެމެދު 08:00 އިން 20:00 އަށް ކަމަށާއި، އެއާޕޯޓު އޮފީހުން ފޯރުކޮށްދޭނީ ކާގޯ ބަލައިގަތުމުގެ ޚިދުމަތް އެކަނި ކަމަށްވެސް އިޢުލާނުގައި ވެއެވެ.
މޯލްޑިވިއަން ކާގޯގެ ޚިދުމަތަކީ ރާއްޖޭގެ އެއް ތަނުން އަނެއް ތަނަށް މުދާ ފޯރުކޮށްދިނުމުގެ މަގު ފަހިކޮށްދޭ މުހިންމު ޚިދުމަތެކެވެ. އޭގެ ސަބަބުން އަތޮޅުތެރޭގައި ދިރިއުޅޭ ފަރާތްތަކަށާއި ވިޔަފާރިތަކަށް ބޮޑެތި ލުއިފަސޭހަތަކެއް ލިބެއެވެ.
މި ލިޔުން ކިޔާލުމުން
