ހަށިހެޔޮ މުޖުތަމަޢެއް ބިނާކުރުމުގެ މަޤްޞަދުގައި ކުރިއަށްގެންދާ "ހަށިހެޔޮ ރާއްޖެ" ޕްރޮގްރާމުގެ ލީޑަރުން ތ އަތޮޅާއި ލ އަތޮޅުގައި ނިންމާލައިފި އެވެ.
"ހަށިހެޔޮ ރާއްޖެ" ޕްރޮގްރަމްގެ މައިގަނޑު މަޤްޞަދަކީ ރަށްރަށުގައި އެކި އުމުރު ފުރައިގެ މީހުންނަށް ފިޓްނަސް ޕްރޮގްރާމްތަށް ކުރިއަށް ގެންދާއިރު ތަފާތު ހަރަކާތްތައް ގެންދާނެ އެންމެ ރަނގަޅު ގޮތްތައް އަންގައިދިނުން ކަމަށް ސްޕޯޓްސް މިނިސްޓްރީން މައުލޫމާތުދެއެވެ. މީގެ އިތުރުން އާއްމުންނަށް ތަމްރީން ޕްރޮގްރާމްތަކާއި ހަރަކާތްތައް ކުރިއަށް ގެންދިއުމުގައި އެރަށަކަށް އެންމެ އެކަށޭނެ ޕްރޮގްރާމަކީ ކޮބައިތޯ އާއި އިވެންޓުތައް މެނޭޖް ކުރާނެ ގޮތްތައް އަންގައިދީ، މަޤްބޫލު އިވެންޓެއްގެ ގޮތުގައި ކުޅިވަރާއި ކަސްރަތު ޕްރޮގްރާމް ގެންދާނެ ގޮތްތައް ދަސްކޮށްދިނުން ހިމެނެއެވެ. މިތަމްރީންތަކުގެ ތެރެއިން ތިއަރީ ކްލާސްތަކާއި، ފިޒިކަލް އެކްޓިވިޓީތަކުގެ އިތުރުން ލީޑާޝިޕް ތަމްރީންތައް ވެސް ކުރިއަށް ގެންދެއެވެ.
މިމަހުގެ ތެރޭގައި ލ އަތޮޅާއި ތ އަތޮޅުގެ އިތުރުން ބ އަދި ޅ އަތޮޅަށް އަމާޒުކޮށްގެން ހިންގި ޕްރޮގްރާމް ވެސް ވަނީ ނިންމާލާފައެވެ.
ހަށިހެޔޮ މުޖުތަމަޢެއް ބިނާކުރުމުގެ މަޤްޞަދުގައި ކުރިއަށްގެންދާ "ހަށިހެޔޮ ރާއްޖެ" ޕްރޮގްރާމު މިދިޔަ ނޮވެމްބަރު މަހު އިފްތިތާޙްކޮށްދެއްވީ ރައީސުލްޖުމްހޫރިއްޔާގެ ނައިބް އަލްއުސްތާޛް ހުސައިން މުޙައްމަދު ލަޠީފް އެވެ.
މި ޕްރޮގްރާމް ހުރިހާ އަތޮޅަކަށް މިމަހުގެ 26 ގެ ނިޔަލަށް ކުރިއަށް ގެންދިއުމަށް ސްޕޯޓްސް މިނިސްޓްރީން ވަނީ ނިންމާފައެވެ.
މި ލިޔުން ކިޔާލުމުން
