ފުރަތަމަ ދުވަހުން ފެށިގެން ރައީސް ޑރ. މުހައްމަދު މުއިއްޒު ގެންދަވަނީ ކޮރަޕްޝަނާއި ވައްކަމާ ދެކޮޅަށް ތަފާތު ދައްކަވަމުން ކަމަށް މިނިސްޓަރ އޮފް ފިޝަރީޒް އެންޑް އޯޝަން ރިސޯސަސް އަހުމަދު ޝިޔާމް ވިދާޅުވެއްޖެ އެވެ.
މިނިސްޓަރު ޝިޔާމް މިހެން ވިދާޅުވެފައި މިވަނީ ކުރީ ސަރުކާރުން ކުރިއަށްގެންދިޔަ ބޯހިޔާވަހިކަމުގެ މަޝްރޫއު ކަމަށްވާ "ބިންވެރިޔާ ސްކީމް" ލިސްޓުގައި ނެތް ބަޔަކަށް ހުޅުމާލެއިން ގޯތި ވިއްކި މައްސަލައެއް ފެންމަތިވެ އެކަން ތަހުގީގު ކުރަމުންދާ ދަނޑިވަޅެއްގަ އެވެ.
މިނިސްޓަރު ޝިޔާމް ވިދާޅުވީ ވެރިކަމުގައި ހުންނަވަނިކޮށް ސަރުކާރު ތެރެއިން ހިނގާކަމަށް ތުހުމަތުކުރާ ކޮރަޕްޝަނާއި ވައްކަމުގެ މައްސަލަތައް ބަލައި ވަގުތުން ވަގުތަށް ފިޔަވަޅު އެޅުއްވުމަކީ މީގެކުރިން އެއްވެސް ރައީސަކު ވެރިކަމުގައި ހުންނަވައިގެން ކުރައްވަން ކެރިވަޑައިގެންނެވި ކަންކަމެއް ނޫން ކަމަށެވެ.
"ވެރިކަމުގެ ފުރަތަމަ ދުވަހުން ފެށިގެންވެސް ރައީސް ޑރ. މުހައްމަދު މުއިއްޒު ގެންދަވަނީ ކޮރަޕްޝަނާއި ވައްކަމާ ދެކޮޅަށް ތަފާތު ދައްކަވަމުން. ދައްކަވާ ވާހަކަފުޅާ އަމަލުފުޅު ދިމާކުރައްވާނެ." މިނިސްޓަރު ޝިޔާމް ވިދާޅުވިއެވެ.
މިނިސްޓަރު އިތުރަށް ވިދާޅުވީ ދިވެހި ރައްޔިތުންގެ މުދަލާއި ފައިސާއަށް ޚިޔާނާތްތެރިވާކަށް އެއްވެސް ފަރާތަކަށް ރައީސް ކުޑަވެސް ޖާގައެއް ނުދެއްވާނެކަން މިއަދުވެސް ސާބިތުކޮށްދެއްވައިފި ކަމަށެވެ.
ރައީސް ޑރ. މުހައްމަދު މުއިއްޒު ކޮރަޕްޝަނާއި ވައްކަމާ ދެކޮޅަށް ތަފާތު ދައްކަވަމުން ދާކަމަށް މިނިސްޓަރު ޝިޔާމް ވިދާޅުވިއިރުގައި، "ބިންވެރިޔާ ސްކީމް" ލިސްޓުގައި ނެތް ބަޔަކަށް ހުޅުމާލެއިން ގޯތި ވިއްކި މައްސަލަ ތަހުގީގު ކުރަމުންދާއިރު، އެމްޑަބްލިއުއެސްސީގެ ޑެޕިއުޓީ މެނޭޖިން ޑިރެކްޓަރު ފަޒުލް ސަސްޕެންޑްކޮށް އަދި ބޯޑުން ވެސް، އެންމެ ފަހުން ޗެއާމަން ކަމަށް އައްޔަންކުރި އަހްމަދު ނާސިފް (ޑީޑީ) ފިޔަވައި ހުރިހާ ބޭފުޅުން މިއަދު ވަނީ ސަސްޕެންޑްކޮށްފަ އެވެ.
ބޯޑު ސަސްޕެންޑްކޮށްފައި ވާއިރު އައިޓީ ކޮންސަލްޓެންޓް އަބްދުﷲ ޝުހޫދާއި ޗީފް ފައިނޭންޝަލް އޮފިސަރު އަބްދުﷲ ފާއިދާއި ޗީފް ބިޒްނަސް އޮފިސަރު އަދި މީޑިއާ ޑިޕާޓްމެންޓްގެ ހެޑް އަހުމަދު ޔާމީން އަދި ރިއަލްއެސްޓޭޓް ޑެޕިއުޓީ ޑިރެކްޓަރު އަހުމަދު އައިމަން ވެސް މިހާރު ވަނީ ސަސްޕެންޑްކޮށްފަ އެވެ.
މި ލިޔުން ކިޔާލުމުން
