ބޮލީވުޑްގެ ދުނިޔޭގައި ފަހަކަށް އައިސް އެންމެ ބޮޑަށް ފެތުރުނު ވާހަކައަކީ އައިޝްވާރިޔާ އާއި އަބީޝޭކްގެ ގުޅުން ކެނޑި، ވަރިވި ވާހަކަ އެވެ.
މި ވާހަކަތަށް ފެތުރެން ފެށީ 2024 ވަނަ އަހަރުގެ ޖުލައި މަހު އަނަންތު އަމްބާނީގެ ކައިވެންޏަށް އައިޝްވާރިޔާ އާއި އޭނާގެ އަންހެން ދަރިފުޅު އާރަދްޔާ ބައްޗަން، އަބީޝޭކްއާއި އޭނާގެ އާއިލާއާއި ވަކިން އައުމުންނެވެ.
އާއިލާގެ ބާކީ ތިބި މީހުން އައިސްފަ ވަނީ އެއްކޮށެވެ. އެ މީހުންގެ ތެރޭގައި އަމީތާބް ބައްޗަން އާއި އޭނާގެ އަންހެނުން ޖަޔާ ބައްޗަން، ދަރިފުޅު އަބިޝެކް ބައްޗަން އާއި އަންހެން ދަރިފުޅު ޝްވެތާ އާއި ކާފަދަރިފުޅު އަގަސްތާ ނަންދާ އަދި ކާފަދަރިފުޅު ނަވްޔާ ނަވެލީ ހިމެނެ އެވެ.
މި ވާހަކަތަށް ދޮގު ކުރީ މިއަދު ސޯޝަލް މީޑިއާގައި ދައުރުވަމުން ދިޔަ ފޮޓޯ އެވެ.
ބޮލީވުޑްގެ މަޝްހޫރު ފިލްމް ޕްރޮޑިއުސަރ އަނޫ ރަންޖަން ޕޯސްޓް ކޮށޮފައިވާ މިފޮޓޯގައި ފެންނަނީ އައިޝްވާރިޔާ އާއި އަބީޝޭކް އެއްކޮށް ހުއްޓަ އެވެ.
އައިޝްވާރިޔާގެ މަންމަވެސް ހުރި މިފޮޓޯގައި އަބީޝޭކް އަދި އައިޝްވާރިޔާ ލައިގެން ތިބީ ކަޅު ކުލައިގެ އައުޓްފިޓް އެކެވެ. އެންމެންވެސް މި ފޮޓޯގައި ތިބީ ވަރަށް ބޮޑަށް ހިނިތުން ވެގެންނެވެ.
އަނޫ ރަންޖަން ޕޯސްޓްކުރި މިފޮޓޮއަށް ވަރަށް ގިނަ ބަޔަކު ކޮމެންޓުކޮށް ތައުރީފުކުރި އެވެ. "ފެތުރެމުންދާ ވާހަކަ މި ފޮޓޮއިން ތި ދޮގުކޮށްލީ. ލަވް ދިސް އަނޫ". އެއް ކޮމެންޓެއްގައި ބުނެފައި ވެއެވެ.
މިހާތަނަށް މިކަމާ ގުޅިގެން އައިޝްވާރިޔާ އަދި އަބީޝޭކް އަދި ދެމީހުންގެ އާއިލާގެ މީހަކުވެސް ވަކި އެއްޗެއް ނުބުނެެއެވެ. ނަމަވެސް ޔަގީންވާ އެއްކަމަކީ އަދިވެސް އެ ދެމީހުން ގެ ގުޅުމެއް ނުކެނޑޭ ކަމަވެ.
މި ލިޔުން ކިޔާލުމުން
