މަސްވެރިންނަށް މަސް ކިރުމުގައި ދިމާވާ ދަތިތަކަށް ހައްލު ހޯދައިދިނުމުގެ ގޮތުން ސަރުކާރުން ކުރަމުން އަންނަ މަސައްކަތްތަކުގެ ތެރެއިން ހއ.އިހަވަންދޫ އާއި މ.މުލަކުގެ އިތުރުން ސ.ހުޅުމީދޫގައި ޖުމްލަ 2000 ޓަނުގެ ކޯލްޑް ސްޓޯރޭޖު އެޅުމަށް ނިންމައިފިއެވެ.
ފިޝަރީޒް މިނިސްޓްރީން މިއަދު ބުނީ އިސްލާމިކް ޑިވެލޮޕްމަންޓް ބޭންކުން ފައިސާ ހަމަޖެހިގެން އިހަވަންދޫގައި ބްރައިން ފްރީޒިންއާ އެކު 1000 ޓަނުގެ މަސް ރައްކާކުރެވޭ ކޯލްޑް ސްޓޯރޭޖެއް އެޅުމަށް ނިންމާފައިވާ ކަމަށެވެ.
އަދި މ.މުލަކު ގައި 500 ޓަނުގެ ކޯލްޑް ސްޓޯރޭޖެއް އެޅުމަށް މަސްވެރިކަމާއި ކަނޑުގެ ވަސީލަތްތަކާއި ބެހޭ ވުޒާރާ އާއި ސައުދީ އަރަބިއްޔާގެ އާރު އޯ އެސް ފޮރ ޓްރޭޑިންގ އެންޑް ކޮންޓްރެކްޓިންގ ކުންފުންނާއި ދެމެދު 28 އޮކްޓޯބަރ 2024 ވަނަ ދުވަހު އެގްރިމަންޓްގައި ސޮއިކޮށްފައިވާ ކަމަށެވެ. މި ފެސިލިޓީއަކީ ދުވާލަކު 50 ޓަނުގެ މަސް ބްރައިން ޕްރީޒް ކުރެވޭ ކެޕޭސިޓީއާއެކު އަޅާ ފެސިލިޓީއެކެވެ. މި ފެސިލިޓީގެ މަސައްކަޔް ނިންމުނަށް 300 ދުވަސް ދީފައިވާއިރު މުޅި މި މަޝްރޫއުއަށް 5.188 މިލިޔަން އެމެރިކާ ޑޮލަރު ޚަރަދުވާނެއެވެ.
މީގެއިތުރުން އިސްލާމިކް ޑިވެލޮޕްމަންޓް ބޭންކުގެ އެހީގައި އައްޑޫ ސިޓީ ހުޅުމީދޫގައި ވެސް އިތުރު 500 ޓަނުގެ ކޯލްޑް ސްޓޯރޭޖެއް އެޅުމަށް ވަނީ ނިންމާފައެވެ.
މި ލިޔުން ކިޔާލުމުން
