މިކަމަށް ރައްދު ދެއްވައި ކުރެއްވި ޕޯސްޓެއްގައި މިނިސްޓަރު ޑރ. މުއްޠަލިބް ވިދާޅުވީ ކުރީ ސަރުކާރުން ޒިންމާދާރު ކަމެއްނެތި ދަރަނި ނަގައިގެންނާއި، ފައިސާ ޗާޕުކޮށްގެން ރިކަރަންޓު ޚަރަދު ކުރުމުގެ ނަތީޖާއަކީ ދައުރު ނިމުނުއިރު، ދައުލަތުގެ ދަރަނި 123 ބިލިއަން ރުފިޔާއަށް އިތުރުވުން ކަމަށެވެ. އަދި ހަމައެއާއެކު ދަރަނި ދެއްކުމަށް ކުރަންޖެހޭ ޚަރަދު އަހަރަކު 7 ބިލިއަނަށްވުރެ އިތުރުވެގެން ދިއުން ކަމަށެވެ. އޭގެތެރެއިން ބޮޑު ބަޔަކީ އިންޓަރެސްޓަށް ދައްކަންޖެހޭ ފައިސާކަން މިނިސްޓަރުގެ ޕޯސްޓުގައި ފާހަގަކުރައްވާފައިވެއެވެ. މީގެއިތުރުން ދަރަންޏަށް ފައިސާ ލިބުން ދަތިވެ، ސަރުކާރުން ކޮންޓްރެކްޓަރުންނަށް ދޭންޖެހޭ އެތައް ބިލިއަން ރުފިޔާއެއް ނުދެވި، އެތައް ވިޔަފާރިއަކަށް އަސަރުކޮށް، ގައުމުގެ އިގުތިސާދަށް އޭގެ ނޭދެވޭ އަސަރު ކުރި ކަމަށް ވެސް މިނިސްޓަރު ވިދާޅުވިއެވެ.ޒިއްމާދާރު ކަމެއްނެތި ދަރަނި ނަގައިގެން އަދި ފައިސާ ޗާޕުކޮށްގެން ރިކަރަންޓު ޚަރަދު ކުރުމުގެ ނަތީޖާއަކީ 17 ނޮވެންބަރު 2023 އައި އިރު ދައުލަތުގެ ދަރަނި 123 ބިލިއަން ރުފިޔާއަށް އިތުރުވެ ދަރަނިދެއްކުމަށް ކުރަންޖެހޭ ޚަރަދު އަހަރަކު 7 ބިލިއަނަށްވުރެ އިތުރުވެގެންދިއުން. މީގެ ތެރެއިން… pic.twitter.com/uLI8uVYxDj
— Abdulla Muththalib (@muththo) November 12, 2024
ދައުލަތުގެ ބަޖެޓަށް ނުކަތާ ވަރަށް، ޚަރަދު ކުރަން ފައިސާ ހޯދޭނެ ގޮތަކަށް ބެލުމެއް ނެތި 39 ބިލިއަން ރުފިޔާއަށްވުރެ ގިނަ މަޝްރޫއު ފެށުމުގެ ނަތީޖާ އަކީ ގިނަ ޕްރޮޖެކްޓްތަކެއް ރިޔާސީ އިންތިޚާބު ނިމުމާއެކު ހުއްޓާލަންޖެހުން. މިއީ ޒިންމާދާރު ކަމާއެކު ކޮށްފައިވާ ކަމެއްނޫން.މިނިސްޓަރު އިތުރަށް ވިދާޅުވީ ގައުމުގެ މަސްލަހަތު ވަކި ބައެއްގެ މަސްލަހަތަށްވުރެ ބޮޑުވާނެ ކަމަށެވެ. ހަގީގީ އިޚްލާސްތެރި ވެރިންނަކީ ރައްޔިތުންނަށް އޮޅުވާލުމެއްނެތި ގައުމަށް ދެމެހެއްޓެނިވި ތަރައްގީ ގެނެސް ރައްޔިތުންނަށް ދެމެހެއްޓެނިވި ޚިދުމަތްތަކެއް ދެވޭނެ ގޮތަކަށް ސިޔާސަތު ބައްޓަންކުރާ ވެރިން ކަމަށް ވެސް މިނިސްޓަރު ވިދާޅުވިއެވެ.
