ހަ ރަށަކަށް ބަހާލައިގެން ބޭންކް އޮފް މޯލްޑިވްސް (ބީއެމްއެލް) އިން 300 ބައިސްކަލް ހަދިޔާކޮށްފިއެވެ.
ބީއެމްއެލްއިން މިއަދު އެކްސްގައި ކުރި ޕޯސްޓެއްގައި ބުނީ ބައިސްކަލް ހަދިޔާ ކުރީ ޒުވާނުން މެދުގައި ދުޅަހެޔޮ ދިރިއުޅުމެއް އާދަކުރުވުމާއި ތިމާވެއްޓާ ރައްޓެހި ދަތުރުފަތުރުގެ ވަސީލަތްތައް ބޭނުންކުރަން ހިތްވަރުދިނުމަށް ކަމަށެވެ.
ބައިސްކަލް ހަދިޔާ ކުރި ރަށްތައް:
1- ހއ. ދިއްދޫ
2- ބ. އޭދަފުށި
3- ކ. މާފުށި
4- ނ. މަނަދޫ
5- މ. މުލައް
6- ކ. ވިލިނގިލި
14 އަހަރާއި 17 އަހަރާ ދެމެދުގެ ކުދިންނަށް ބޭނުން ކުރެވޭނެ ގޮތަށް މި ބައިސްކަލްތަށް ހަދިޔާ ކޮށްފައިވަނީ ހަ ރަށެއްގެ ޖައްމިއްޔާތަކާ ވެސް ގުޅިގެންނެވެ. އަދި މި ޖަމިއްޔާތަކުން ވެދިން އެހީތެރިކަމަށް ބީއެމްއެލް އިން ވަނީ ޝުކުރު އަދާކޮށްފައެވެ.
