އިސްރާއީލުން ޣައްޒާގެ އުތުރުގެ ސަރަހައްދު ވަށާލައި ބޮން ގޮއްވަމުންދާތާ 23 ދުވަސްވެއްޖެއެވެ. އަދި އެސަރަހައްދުގައި ބަޑުހައިހޫނުކަން ބޮޑުވެ, ބައެއްމީހުންވަނީ ބަނޑަށްމަރުވެފައެވެ.
އަދި ކުރިޔަށް އޮތްދުވަސް ތަކުގައި ބަނޑުހައިހޫނު ކަމުގައި މަރުވާމީހުން އިތުރުވާނެ ކަމަށް ލަފާ ކުރެވޭކަމަށް ޢައްޒާގެ އުތުރުގައި ހަރަކާތްތެރިވާ އޮކްސްފާމްގެ އޮފިސަލުންވަނީ ބުނެފައެވެ.
އެހީދޭ އިދާރާތަކުން ބުނާ ގޮތުގައި ޣައްޒާގެ އާބާދީގެ ގާތްގަނޑަކަށް 96 އިންސައްތަ މީހުންނަށް ކާބޯތަކެތީގެ ދަތިކަން ވަރަށް ބޮޑަށް ކުރިމަތިވެ އެވެ.
ޔުނިސެފުން ބުނާ ގޮތުގައި 10 ކުދިންގެ ތެރެއިން ނުވަ ކުދިންގެ ހަށިގަނޑު ބޮޑުވުމަށް ބޭނުންވާ މާއްދާތަށް ނުލިބެއެވެ.
ހަނގުރާމައިގެ އަހަރެއްހާ ދުވަހުގެ ތެރޭގައި މަދުވެގެން 37 ކުއްޖަކު ކާނާ ނުލިބުމުގެ ސަބަބުން ނުވަތަ ފެން މަދުވުމުގެ ސަބަބުން މަރުވެފައިވެ އެވެ.
ހަނގުރާމަ ފެށުނު ފަހުން ސްޓްރިޕް އަށް ގެންދާ ކާބޯތަކެތީގެ އެހީގެ 83 ޕަސެންޓް ވަނުމަށް އިސްރާއީލުން ހުރަސް އަޅާފައިވާ ކަމަށް އދ އިން ބުނެފައިވެއެވެ.
އެގޮތުން ފަސް އަހަރުން ދަށުގެ ގާތްގަނޑަކަށް 50،000 ކުދިންނަށް ކާނާ ނުލިބި ތިބިކަމާއި, މިކަމަށް އަވަސް ހައްލެއް އަހަރު ނިމޭއިރު ބޭނުންވާ ކަމަށް ބުނެފައިވެ އެވެ.
ތިންހަފްތާގެ ތެރޭގައި ޣައްޒާގެ އުތުރުގެ ޖަބަލިއާ، ބައިތު ހަނޫން އަދި ބެއިޓް ލަހިޔާ ޓައުންތަކަށް ދިން ހަމަލާތަކުގައި މިހާތަނަށް ފަލަސްތީނުގެ ގާތްގަނޑަކަށް 800 މީހުން މަރުވެފައިވާ ކަމަށް ޣައްޒާގެ ހެލްތު މިނިސްޓްރީން ބުނެފައިވެއެވެ.
