ރައީސުލްޖުމްހޫރިއްޔާ ޗައިނާގެ ހާރިޖީ ވަޒީރު ނުވަތަ ޗައިނާގެ އޮފީސް އޮފް ދަ ސެންޓްރަލް ކޮމިޝަން ފޮރ ފޮރިން އެފެއަރޒްގެ ޑިރެކްޓަރ ވަންގް ޔީ އާއި ބައްދަލު ކުރައްވައިފި އެވެ.
އދ. ގެ އާންމު މަޖިލީހުގެ 79 ވަނަ ސެޝަނުގެ ހަވާސާގައި ބޭއްވުނު މި ބައްދަލު ކުރެއްވުމުގައި ދެ ގައުމުގެ ދެމެދު ރަސްމީ މަޝްވަރާތައް ވަނީ ބާއްވައިފައެވެ.
މި މަޝްވަރާތަކުގައި ރައީސް މުއިއްޒުގެ އިތުރުން ދިވެހި ސަރުކާރުގެ ފަރާތުން ބައިވެރިވި ވަފުދުގައި ރާއްޖޭގެ ހާރިޖީ ވަޒީރު މޫސާ ޒަމީރު އަދި ހާރިޖީ ވުޒާރާގެ އިސްވެރިން ހިމެނެ އެވެ.
ޗައިނާގެ ފަރާތުން ހާރިޖީ ވަޒީރު ވަންގް ގެ އިތުރުން އދ. ގެ އާންމު މަޖިލީހުގައި ބައިވެރިވުމަށް އެ ގައުމުގެ ސަރުކާރުން ފޮނުވި މަތީ ފަންތީގެ ވަފުދުގެ ބޭފުޅުން މި މަޝްވަރާތަކުގައި ވަނީ ބައިވެރިވެފަ އެވެ.
